Artinita
L'artinita es un minerau fòrça rar de color blanc gris qu'a una duretat de 2 e una densitat de 2,03. Es formada d'idroxicarbonat de magnèsi (simbòl quimic : Mg2CO3(OH)2, 3H2O) cristallizat segon un sistèma monoclinic de classa esfenoïda. Dins la natura, aqueu minerau forma d'agulhas fòrça finas, d'agregats esferics ò de massas fibrosas. Son esclat es sedós.
L'artinita se tròba dins de venas idrotermalas de temperatura bassa presentas dins de ròcas serpentinosas. Pòu èsser associada amb l'amiant, la brucita ò l'idromagnesita. A ges d'interès economic.