Arròc de Gibartar

Un article de Wikipèdia, l'enciclopèdia liura.
Salta a la navegació Salta a la cerca
L'Arròc de Gibartar, costat oèst

L'Arròc (o l'Arròca) de Gibartar qu'ei un monolit calcari situat sus la còsta meridionau de la Peninsula Iberica. Qu'atenh ua hautor de 426 mètres. Qu'èra considerat a l'Antiquitat, dab Jbel Musa sus la còsta africana, com ua de las Colomnas d'Ercules. L'arròc qu'ei ua possession de la corona britanica. Qu'estó cedit per Espanha a la Gran Bretanha peus Tractats d'Utrecht, a la fin de la Guèrra de Succession d'Espanha.

Geologia[modificar | modificar la font]

Vista panoramica desempuish lo som de l'arròc

Aquera formacion geologica qu'estó creada durant lo Jurassic, 200 milions d'ans a, quan la placa africana e tumè la placa euroasiatica. L'Ocean Atlantic que traversè l'Estreit de Gibartar e l'aigat seguent que creè la Mar Mediterranèa. L'arròc que hè part de las Cordilhèras Beticas, ua cadea de montanhas qui dominan lo sud-èst de la Peninsula Iberica.