Arièja (aiga)
| Arièja | |
|---|---|
 | |
| Caracteristicas | |
| Longor | 163,2 km |
| Bacin | 4 135 km2 |
| Debit mejan | 76,4 m3⋅s-1 |
| Riu | |
| Font | Pirenèus |
| · Localizacion | Circ de Font Negra |
| · Altitud | 2 400 m |
| Confluéncia | Garona |
| Geografia | |
| Païses traversats | Andòrra França |
| Regions traversadas | Occitània |
| Vilas principalas | Foish, Pàmias, Autariba |
Arièja es una aiga d'Occitània. Sa font se situa dins lo circ de Font negra a 2400 m d'altitud, a la termièra entre lo País de Fois (en Arièja) e Andòrra. Se geta dins Garona dins la banlèga sud de Tolosa a Portèth.
Geografia
[modificar | Modificar lo còdi]Arièja a sa font al lac Negre, dins lo circ de Font Negra, prèp del Pas de la Casa e del pòrt d'Envalira, un dels còls pus nauts del Pirenèus (2 400 m). S'escola d'en primièr cap al nòrd-èst dins una val estreita e sovent dins de gòrjas prigondas, arriba a Ax, ont son escorreguda s'orienta al nòrd-oèst en meme temps que recèp en riba dreita las aigas de l'Orièja e de la Lausa, dos rius davalats coma ela de la crèsta frontièra e que fan doblar son debit, qu'atenh alara aperaquí 10 m3/s.
Dins son cors superior, seguís un selhon d'erosion glaciària que s'alarga e càmbia de direccion a la nautor d'Ax. Las traças de l'ancian glacièr son vesedoiras especialament fins a Tarascon d'Arièja. Per las clusas de Foish e de Sent Joan de Verges, Arièja trenca las cadenas calcàrias de Plantaurel e, ganhant la plana de Pamièrs que sos alluvions an constituït, s'evada del domeni pirenèu.