Antoine

Lo cantaire francés Antoine (Pierre Antoine Muraccioli)

Pierre Antoine Muraccioli, dich Antoine, nascut lo 4 de junh de 1944 a Tamatave (Madagascar), es un cantaire pop rock francés (d'origina Corsega per son paire) tanben autor e compositor. Es vengut fòrça celèbre en França en 1966 seguida a la capitada de sa cançon polemica venguda culte, Les Élucubrations d'Antoine. Sus aquel títol, canta acompanhat pel grop Les Problèmes, que vendrà mai tard Les Charlots.

Lo ton polemica, provocant e precursor de las Élucubrations d'Antoine se desmarca del de las cançons pop superficialas dels yéyés ; Antoine adòpta un paréisser beatnik (camisa a flor e pel long), e parla d'una autra joventut, mai militanta e contestatària, anant fins a se trufar dels cantaires e musicians franceses iconics de l'epòca coma Johnny Hallyday e l'acordeonista Yvette Horner. Picat, Johnny Hallyday publiquèt quitament una cançon en responsa a las Élucubrations d'Antoine : Cheveux longs, idées courtes.

Antoine canta a l'encòp en francés e en italian. A d'ahor tanben obtengut de succès en Itàlia a partir de 1968 (Pietre, Cannella, La Tramontana...).

Cançons mai conegudas

• Les Élucubrations d'Antoine (1966)
• Je dis ce que je pense et je vis comme je veux (1966, Antoine et Les Problèmes)
• Contre-élucubrations problématiques (1966, Antoine et Les Problèmes)
• Un éléphant me regarde (1966)
• Ma fête foraine (1966)
• Je l'appelle Cannelle (1967, en francés) / Cannella (1968, en italian)
• La Tramontane (en francés) / La Tramontana (en italian) (1968)
• Bonjour salut (1968)
• Le match de football (1968)
• Qu’est-ce que tu as mis dans le café ? (1969)
• Bonsoir la France (1969)
• Dites-moi ma mère (1969)
• Taxi (1970)
• Ra-ta-ta (1970)
• La motogodille (1980)
• Touchez pas à la mer (1987)