Alfred Rosenberg

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'Alfred Rosenberg en genier de 1941.

Alfred Ernst Rosenberg (12 de genier de 1893, Reval - 16 d'octòbre de 1946) èra un òme politic e un arquitecta alemand que foguèt una figura e un teorician major dau Tresen Reich e dau nazisme. Ministre dau Reich ai Territòris ocupats de l'Èst, foguèt condamnat a mòrt durant lei Procès de Nuremberg e executat.

Originari dei províncias germanicas de l'Empèri Rus, venguèt sòci dau NSDAP en 1920 e un redactor dau jornau dau partit (Völkischer Beobachter). Durant la captivitat d'Adolf Hitler a l'eissida de la revirada dau putsch de la braçariá, foguèt designat per dirigir lo partit nazi. Ne'n venguèt l'ideològ principau. Après la presa dau poder per Hitler en 1933, assaièt sensa succès de venir ministre deis Afaires Estrangiers mai aguèt un ròtle important dins la creacion de l'aparelh repressiu dau regime.

En 1940, foguèt cargat de supervisar la confiscacion deis òbras d'art raubadas ai judieus dins lei territòris ocupats. Puei, lo 16 de julhet de 1941, foguèt nomat Ministre dau Reich ai Territòris ocupats de l'Èst. En concurréncia ambé d'autrei dignitaris dau Tresen Reich per exercir sei prerogativas, Alfred Rosenberg participèt a la desportacion dei judieus fins a 1942 mai perdiguèt son influéncia au sen dau regime, especialament en causa de sei posicions anticrestianas[1]. Arrestat a l'eissida de la Segonda Guèrra Mondiala, foguèt condamant a mòrt per còmplot e crimes còntra la patz, crimes de guèrra e crimes còntra l'Umanitat.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Semblèt tanben lassar Hitler eu meteis que reconoguèt pas legir la totalitat dei trabalhs ideologics de Rosenberg durant una discussion amb Albert Speer.