Agaricus augustus

Agaricus augustus

Agaricus augustus

Classificacion
Règne	Fungi
Division	Basidiomycota
Classa	Agaricomycetes
Sosclassa	Agaricomycetidae
Òrdre	Agaricales
Familha	Agaricaceae
Genre	Agaricus

Nom binominal

Agaricus augustus
Fr., 1838

Agaricus augustus es un bolet de la familha deis Agaricaceae e dau genre deis Agaricus. Es una espècia relativament comuna en Occitània qu'es tradicionalament manjada dins mai d'una region. Pasmens, sa consumacion es desenant desconselhada car aqueu bolet pòu concentrar de quantitats importants de polluents dins sa carn.

Descripcion

Es un bolet de talha mejana a granda que pòu agantar 10 a 20 cm d'autor. Lo capèu a un diamètre similar, de 10 a 20 cm. A sovent una forma emisferica e es cubèrt d'escalhas brun ros dispausadas d'un biais concentric sus un revestiment clar. Lo marge es apendiculada. Lei lamas son liuras e de color blancàs e gris ròse. Aquela color evoluciona pauc a cha pauc vèrs lo brun negràs. Leis espòras son brun negràs e an una talha de 8 × 6 µm. Lo pè es blanc e pòrta un anèu ample e penjant. En dessota, lo pè es cubèrt d'escalhas brun ros. De tacas rossas pòdon aparéisser a la basa. La carn es inicialament, mai pren lentament de tenchas ròsas. Lo bolet a una odor d'anís ò d'ametla amara. La sabor es aquela de l'avelana.

Ecologia

Agaricus augustus vèn dins lei seuvas de fuelhós e de conifèrs de la fin de l'estiu a l'autona, sovent au nivèu deis aurieras ont aprecia lei zònas erbosas.

Comestibilitat

Agaricus augustus es tradicionalament considerat coma un bòn comestible. Pasmens, sa consumacion es desenant desconselhada car a la capacitat de concentrar lei polluents, especialament lo cadmi, dins sa carn.