Acid nitric fumadís roge

L’acid nitric fumadís roge, sovent dich RFNA^[1], es un ergòu estocable utilizat coma comburant dins de missils balistics e de fusada fins ais ans 1970 (e fins a 1987 per l'Agena D). Es compausat de 84 % d'acid nitric HNO₃ estabilizat amb 13 % de peroxid d'azòt N₂O₄ e 3 % d'aiga H₂O. Lo peroxid d'azòt se descompausa en dioxid d'azòt NO₂ que dona sa color au produch e que, mai que mai, permet sa conservacion.

L'acid nitric fumadís roge èra un melhorament deis ergòus desvolopats per leis Alemands durant la Segonda Guèrra Mondiala^[2]. Sa mesa en servici participèt a la concepcion de missils susceptibles d'èsser tirats rapidament en cas de guèrra nucleara, çò qu'aguèt un efiech important sus lo mantenement de l'equilibri de la terror durant la Guèrra Freja. De missils balistics armats de carga convencionala, coma lo Scud sovietic, utilizan tanben aqueu produch. Pasmens, lo RFNA es una substància fòrça corrosiva e toxica que son utilizacion es complèxa^[3]. Foguèt donc pauc a cha pauc remplaçat per lo peroxid d'azòt e sei derivats.

Liames intèrnes

Bibliografia

Nòtas e referéncias

↑ Per l'anglés Red Fuming Nitric Acid.
↑ (en) John D. Clark, « 9: What Ivan Was Doing », Ignition! An Informal History of Liquid Rocket Propellants, Rutgers University Press, 1972, p. 116.
↑ (en) Nathan Karplan e Rodney J. Andrus, « Corrosion of Metals in Red Fuming Nitric Acid and in Mixed Acid », Industrial and Engineering Chemistry, 1948, vol. 40, n° 10, pp. 1946-1947.

.

[1] Per l'anglés Red Fuming Nitric Acid.

[2] (en) John D. Clark, « 9: What Ivan Was Doing », Ignition! An Informal History of Liquid Rocket Propellants, Rutgers University Press, 1972, p. 116.

[3] (en) Nathan Karplan e Rodney J. Andrus, « Corrosion of Metals in Red Fuming Nitric Acid and in Mixed Acid », Industrial and Engineering Chemistry, 1948, vol. 40, n° 10, pp. 1946-1947.

[1]

[2]

[3]