Acadiana

Un article de Wikipèdia, l'enciclopèdia liura.
Salta a la navegació Salta a la cerca
 Deu pas èsser confondut amb Acàdia e Acadians.
Mapa d'Acadiana (ròse e roge) dins Loïsiana. Las partidas en roge escurzida indican los luòcs ont la cultura cadiana es mai presenta.)

L'Acadiana (francés e francés cadian: L'Acadiane), lo país dels cadians o país cadian, oficialament "The Heart of Acadiana" (Lo Còr d'Acadiana), es lo nom donat a la region d'influéncia francesa de Loïsiana, qu'abriga una granda populacion de cadians. Fòrça abitants son d'origina acadiana e son ara identificats coma cadians.[1] De las 64 parròquias que compòrta la Loïsiana, 22 parròquias, siá environ un tèrç del total, compausan la region d'Acadiana.[2][3] Aquela apelacion ven d'un acte oficial de l'Estat de Loïsiana. Segon lo recensament de 2010, la populacion d'Acadiana es de 1 451 622 abitants per una superfícia de 37 746 km2.

Etimologia[modificar | modificar la font]

Lo mot Acadiana auriá doas originas. Sa primièra aparicion enregistrada remonta al mitan de las annadas 1950, quand lo Crowley Journal, un jornal de la vila loïsianesa de Crowley, inventèt lo tèrme en referéncia a la parròquia d'Acàdia.[4]

Mentretant, la television de la KATC a Lafayette a independentament inventat "Acadiana" a la debuta de las annadas 1960, donant un sens novèl e pus larg e l'an popularizat dins lo sud de Loïsiana. Fondada en 1962, KATC aperteniá a l'Acadian Television Corporation. A la debuta de 1963, la filiala d'ABC recebèt una factura adreiçada a tòrt a Acadiana Television Corp. Qualqu'un aviá tapat una "a" suplementària a la fin del mot "Acadian". L'estacion comencèt a l'utilizar per descriure la region cobèrta per son senhal de radiodifusion.[5]

En 1971, la legislatura de l'Estat de Loïsiana reconeguèt oficialament vingt-e-dos parròquias de Loïsiana e "d'autras parròquias a environament cultural similar" per lors "aspèctes culturals fòrts de la cultura acadiana francesa" (resolucion concomitanta n° 496 del 6 de junh de 1971 de la Cambra, escrich per Carl W. Bauer de la parròquia de St. Mary) e fasiá de "The Heart of Acadiana" (Lo Còr d'Acadiana) lo nom oficial de la region. Pr'aquò, lo public preferís que lo nom de luòc a un mot, Acadiana, faga referéncia a la region.[6] Lo tèrme oficial apaurissiá sus las mapas regionalas e las balisas rotièras.

Ara, de nombrosas organisacions comercialas, governamentalas e a tòca non lucratiu incorpòran Acadiana dins lors noms, per exemple lo Mall of Acadiana e l'Acadiana High School. Notament KLFY-TV, la filiala regionala de CBS, utilizèt aquel tèrme dins sa campanha de promocion fòrça reüssida "Hello News" jol nom de "Hello Acadiana".

Articles connexès[modificar | modificar la font]

Nòtas e referéncias[modificar | modificar la font]

  1. « What Is Cajun - Explore Lafayette Louisiana », sur www.lafayettetravel.com (consultat lo 21 març 2018)
  2. "The Cajun Kingdom Of the Bayou," The New York Times. January 27, 1991
  3. "The Heart of Cajun and Creole Country," Acadiana. July 4, 2019
  4. Shane K. Bernard, The Cajuns: Americanization of a People (Jackson: University Press of Mississippi, 2003), p.79.
  5. « Lafayette History », Lafayette Convention and Visitors Commission (consultat lo 6 decembre 2006)
  6. Shane K. Bernard, The Cajuns: Americanization of a People (Jackson: University Press of Mississippi, 2003), p. 80.