Abbie Hoffman

Un article de Wikipèdia, l'enciclopèdia liura.
Salta a la navegació Salta a la cerca
Abbie Hoffman
Bandiera del Abbie Youth International Party

Abbott « Abbie » Hoffman (30 de novembre de 1936, 12 d'avril de 1989) èra un activista anarquista sus l'scèna politica e sociala estatsuniana pendnet los ans 1960 e 1970. Es conegut entre autres per èsser un dels fondators del Youth International Party (yippies). Fina ara, demora un simbòl de l'insurreccion e del corrent revolucionari qu'animava una partiada de la jovença dels EUA.

Biografia[modificar | modificar la font]

Hoffman nasquèt dins una familha josieva dins la vila de Worcester (Massachusetts). Foguèt diplomat en 1959 a l'universitat de Brandeis, ont estudièt Herbert Marcuse, un filosòf d'esquèrra. Se maridèt amb Sheila Karklin en 1960 e aguèron dos enfants. Divorcièt en 1966, puèi se maridèt amb Anita Kushner, amb que aguèt un enfant. Divorcièt encaraen 1980. Abans de s'engatjar dins lo movement Yippie, Hoffman militava tanben dins lo Student Nonviolent Coordinating Committee. Organizèt tanben lo Liberty House, que vend d'objèctes per sosténer lo movement dels drechs civics dins lo sud dels EUA.

Pendnet de la guèrra del Vietnam, utilizava sovent l'umor e la comedia pendent la manifestacions. Per exemple, ensejava de far levitar lo Pentagòn utilisant l'energia psiquica. Tanben capitèt a mobilizar e a politizar mai d'uns hippies.

Un espleit mai brilhant d'Hoffman es de se presentar amb un grop d'activistas sus la galariá de la borsa de Nòva York. D'alà, lancèt dels fals bilhets de banca sus las gents d'en bas. Aqueles se reguitnèron suls fals bilhets. Dempèi, foguèron installada de barrièras per eviter lo mèsme genre d'eveniment.

Hoffman foguèt arrestat per conspiracion e incitacion a una insurreccion pel ròtle qu'aviá jogat pendent la Convencion nacionala democrata de 1968 a Chicago. Fa partit del grop conegut jol nom de Chicago Seven, d'entre que i a tanbenJerry Rubin e d'autres activistas radicals, coma lo futur Senator de Califòrnia, Tom Hayden. Pendent son jutjament, Abbie Hoffman auriá conselhat al jutge l'ustage d'LSD.

Al festenal de Woodstock en 1969, interrompèt l'epectacle dels Who. Hoffman montèt sus l'empont fasent calar Townshend cridant « I think this is a pile of shit, while John Sinclair rots in prison… ». Malcontent, lo musician li tancèt « Back off! Back off my fucking stage! ». Las versions divergisson, mas sembla que l'anglés faguèt fugir l'activista plan rudament a còps de guitarra. Townshend declarèt mai tard qu'èra en accordi amb Hoffman sus l'astra de John Sinclair, un activista anarquista empresonat, mas que podava tornar far de metèis se se presentará dins la meteissa situacion.

Hoffman es tanen l'autor dels libres Steal This Book e Fuck the System, ont aprendèm unas causas, coma la cultura de marijuana e la confeccion de bombas artesanalas.

En 1973, la polícia l'accusa de trafec de cocaïna. Après una quirurgia estetica e d'ans de clandestinitat Hoffman se liurèt a las autoritats. Tornèt aparéisser en 1981.

Escriguèt l'article provocant lo debat sus las circonstanças de la liberacion dels otatges americans prisomièrs en Iran, conengut jol nom d'October Surprise.

Hoffman foguèt trobat mòrt a çò d'el lo 12 d'avril de 1989 d'una subredòsi de medicaments, la version oficiala concluissent a un suicidi. L'anòncia la faguèt lo mètge legista de Doylestown: « La mòrt resultèt d'efièch combinats del fenobarbitòl e de l'alcoòl » Thomas Rosko (font AFP).

Representacion dins la cultura[modificar | modificar la font]

Fonts[modificar | modificar la font]

  • Jack Hoffman, Daniel Simon : Run Run Run: The Lives of Abbie Hoffman. New York : G.P. Putnam's Sons (1994) ;
  • Marty Jezer : Abbie Hoffman: American Rebel. New Brunswick : Rutgers University Press (1992) ;
  • Jonah Raskin : For the Hell of It: The Lives and Times of Abbie Hoffman. Berkeley : University of California Press (1996).
  • Thierry Ardisson, Cyril Drouhet, Joseph Vebret, Dictionnaire des provocateurs, Plon, 2010, en linha.

Liagms extèrnes[modificar | modificar la font]