Abadiá de Mostier d'Aiun
L'abadiá benedictina de Mostier d'Aiun se tròba dins la Nauta Marcha, en Lemosin, dins lo departament de Cruesa.
Istòria (997-1790)
[modificar | Modificar lo còdi]En 997, lo comte de la Marcha Boson II, en preséncia d'un de sos fraires, Gaubert, e de nauts personatges coma l'evesque de Lemòtges, fondet au vesinatge de l'antic Acitodunum (Aiun) un monastèri consacrat a «Maria, maire de Dieu», somés a la regla de Sant Beneset, coma o atesta un acte que figura dins lo cartulari de l'abadiá d'Usercha.
Fuguet conegut sos lo nom de «mostier d'Aiun» (fancizat en Moutier-d'Ahun); balhará son nom a la comuna en 1790.
Auei, se serva pas ren de l'egleisa e de las bastissas originalas. Los vestigis mai ancians remontan en fach au segle XII. A partir de 1489, en seguda de la guerra de Cent Ans, l'egleisa abadiala fuguet reconstrucha (pòrge d'entrada d'estil gotic, nau, transepte, 'na part dau còr).
