46en regiment aerian de bombardiers nuechencs de la Garda

Fotografia d'un biplan Polikarpov Po-2.

Lo 46^en regiment aerian de bombardiers nuechencs de la Garda (inicialament lo 588^en regiment de bombardiers nuechencs) èra una unitat de l'armada sovietica durant la Segonda Guèrra Mondiala. Especializat dins lo bombardament nuechenc de precision, aviá la particularitat d'èsser exclusivament compausat de fremas. Foguèt l'unica pus guierdonada de l'Armada de l'Èr Sovietica.

Format a partir de 1941 a l'iniciativa de Marina Raskova e comandat per lo major Yevdokia Bershanskaya, foguèt integrat sota lo nom de 588^en regiment de bombardiers nuechencs dins la 4^a armada de l'èr sovietica en junh de 1942. Èra equipat de biplans agricòlas obsolets Polikarpov Po-2 que permetián un apròchi silenciós, motor au ralentit, dei linhas alemandas. Sei pilòts se destrièron durant la batalha d'Estalingrad onte leis Alemands li donèron lo subrenom de « Mascas de la Nuech ». En febrier de 1943, lo regiment venguèt una unitat de la Garda sovietica sota la designacion de 46^en regiment aerian de bombardiers nuechencs de la Garda. Lo subrenom « Taman » foguèt apondut a son nom en octòbre de 1943 per recompensar son accion durant lei combats de la Peninsula de Taman.

De 1941 a 1945, menèt mai de 23 000 missions de combat e subiguèt 31 pèrdas. 23 de sei pilòts recebèron lo títol d'Eròi de l'Union Sovietica, 2 lo títol d'Eròi de la Federacion de Russia e una lo títol d'Eròi de la Republica de Cazacstan.

Personalitats dau regiment

• Yevdokia Bershanskaya.
• Yevgeniya Zhigulenko.
• Tatiana Makarova.
• Nina Ulianenko.
• Vera Bjelik.
• Rufina Gasheva.
• Rufina Gasheva.
• Polina Gelman.
• Natalya Meklin.
• Ievdokia Nikoulina.
• Nadezhda Popova.
• Yevgeniya Rudneva.
• Irina Sebrova.

Liames intèrnes

• Garda sovietica.

Nòtas e referéncias

• Photos of planes and pilots from 46 GNBAP