407

Un article de Wikipèdia, l'enciclopèdia liura.
Anar a : navigacion, Recercar

407

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
404 405 406  407  408 409 410

Decennis :
370 380 390  400  410 420 430
Sègles :
Sègle IV  Sègle V  Sègle VI
Millennis :
Millenni I abC  Millenni I  Millenni II


Autres calendièrs :
Roman Chinés Gregorian Ebrieu Indó Musulman Persan Republican


Cronologia mensuala:
Gen - Feb - Mar - Abr - Mai - Junh
Julh - Ago - Set - Oct - Nov - Dec

Cronologias tematicas:
Literatura - Musica - Sciéncia - Espòrt

Aquesta pagina concernís l'an 407 del calendièr gregorian.


Eveniments[modificar | modificar la font]

Euròpa[modificar | modificar la font]

Alans[modificar | modificar la font]

Plusors tribüs d'Alans participèron au passatge de Ren ambé d'autrei pòbles barbars e capitèron d'intrar dins lo nòrd de Gàllia. Durant aquelei combats, la cavalariá deis Alans se destrièt gràcias a son eficacitat còntra l'infantariá dei Francs federats qu'avián assaiat de protegir la frontiera (→ 408).

Burgondas[modificar | modificar la font]

Ambé mai d'un pòble barbar, lei Burgondas participèron a la rompedura de la frontiera de l'Empèri Roman d'Occident lòng de Ren. A la fin de l'annada, èran ben avançats en Gàllia onte l'autoritat romana èra a s'afondrar en causa dei guèrras civilas per lo tròne (→ 408).

Empèri Roman d'Occident[modificar | modificar la font]

Pèça de moneda batuda durant lo rèine de l'usurpator Constantin III (407-411).

Lo passatge de Ren, començat lo 31 de decembre de l'annada precedenta (→ 406), per lei pòbles barbars establits en Germania contunièt. La gelada dau fluvi ajudèt lo movement e lei tropas cargadas de protegir la frontiera poguèron pas resistir. Lei Francs federats, desbordats per lo nombre, se retirèron e lei fortalesas imperialas de la region (Worms, Colonha, Maiança) foguèron conquistadas per leis envaïsseires e pilhadas. A la fin de l'annada, lo nòrd de Gàllia èra ocupat per lei Vandals, lei Suèves, leis Alans, lei Burgondas e divèrseis autrei tribüs (→ 408).

Aquela catastròfa foguèt rapidament agravada per de trèbols novèus a la tèsta de l'Empèri. D'efèct, en Britannia, lei soudats se revoutèron e proclamèron plusors emperaires. Dins un contèxte mau conegut, lo generau Gratian s'impausèt mai sei soudats, lassats de sa duretat, l'assassinèron (març) e proclamèron en plaça lo generau Flavius Claudius Constantinus coma emperaire (sota lo nom de Constantin III). Rapidament, Constantin passèt sus lo continent ambé sei tropas. Aquò marquèt la fin dau periòde roman dins leis Illas Britanicas car la partença dei legions venguèt definitiu dins lo corrent deis annadas seguentas.

Aquò geinava lei projèctes de Stilicon qu'èra a preparar una guèrra còntra l'Empèri d'Orient. De negociacions complèxas li permetèron de gardar lo sostèn de sei mercenaris barbars e de poder mandar de tropas còntra l'usurpator. Pasmens, Constantin capitèt de batre lei generaus de Stilicon (setembre) e de prendre lo contraròtle de Gàllia entre lei zònas tengudas per lei Barbars e leis Aups (→ 408). Enfin, dins lo corrent d'aqueleis eveniments caotics, lo prefècte dei Gàllias, Petronius, abandonèt Trevèri, menaçada per lei Suèves, lei Vandals, lei Burgondas e leis Alans, au profiech d'Arle.

Empèri Roman d'Orient[modificar | modificar la font]

Lo 1èr d'abriu, una tempèsta fòrça violenta causèt de degalhs importants en Constantinòble.

Suèves[modificar | modificar la font]

Ambé plusors pòbles barbars, lei Suèves participèron au passatge de Ren e au començament dei Grandeis Invasions. I sostenguèron lei Vandals que subiguèron de pèrdas importantas còntra lei Federats francs qu'assaièron de protegir la frontiera romana. Pasmens, capitèron d'intrar en Gàllia (→ 408).

Vandals[modificar | modificar la font]

Ambé d'autrei pòbles barbars, lei Vandals contunièron son invasion de l'Empèri Roman d'Occident. Se turtèron ai Francs federats e subiguèron de pèrdas importantas. En particular, lo rèi Godigisel trobèt la mòrt sus lo prat batalhier. Pasmens, l'arribada de la cavalariá deis Alans permetèt ai Vandals de passar Ren e d'avançar dins lo nòrd de Gàllia (→ 408).

Asia[modificar | modificar la font]

Empèri Jin[modificar | modificar la font]

A l'iniciativa dau regent Liu Yu, una ataca foguèt organizada còntra lei Shu Occidentaus. L'objectiu principau de Liu Yu èra d'obtenir de victòrias còntra un enemic de la dinastia per li permetre de legitimar son projècte ulterior de reversar l'emperaire. Pasmens, comandada per Liu Jingxuan, un amic dau regent, l'expedicion capitèt d'intrar dins lo territòri enemic mai i conoguèt de problemas d'avitalhament importants (→ 408).

Reiaume Liang Meridionau[modificar | modificar la font]

Aprofichant lei combats entre Liang Occidentaus — teoricament seis aliats (→ 406) — e Liang Septentrionaus, lo prince Tufa Rutan (402-414) decidèt d'atacar lo territòri dei segonds. Pasmens, l'incursion de sei tropas foguèt arrestada per Juqu Mengxun (401-433).

Reiaume Liang Occidentau[modificar | modificar la font]

Perseguida dei combats començats l'annada precedenta còntra lei Liang Meridionaus (→ 406). Pasmens, leis operacions s'arrestèron rapidament car lei fòrças de l'emperaire Li Gao (400-417) podián pas atacar lo territòri advèrs e car lei tropas dau prince Juqu Mengxun (401-433) deguèron faciar una incursion venguda de l'Empèri Liang Meridionaus.

Reiaume Liang Septentrionau[modificar | modificar la font]

Après son ataca mancada còntra lei Liang Occidentaus l'annada precedenta (→ 406), lo prince Juqu Mengxun (401-433) deguèt arrestar una incursion dei tropas dau Reiaume Liang Meridionau còntra son territòri.

Empèri Qin[modificar | modificar la font]

Conclusion d'un acòrd de patz entre lei Wei Septentrionaus e lei Qing Posteriors. Lo tèxte prevesiá la restitucion dei generaus e dei territòris capturats per lei dos camps. Pasmens, aquò entraïnèt d'oposicions au sen de l'Empèri e lo generau Liu Bobo se revoutèt. Fondèt l'estat de Xia e organizèt una guerilha qu'anava grèvament afeblir l'Empèri Qin.

Empèri Sassanida[modificar | modificar la font]

En despiech dei dificultats importantas dei Romans que devián faciar mai d'una invasion barbara, Yazdgard Ièr (399-420) decidèt de pas aprofichar la situacion per atacar l'Empèri Roman d'Orient. En plaça, chausiguèt de mantenir de relacions bònas e divèrseis acòrds foguèron negociats entre lei dos Empèris (→ 408)[1].

Empèri Wei[modificar | modificar la font]

Conclusion d'un acòrd de patz entre lei Wei Septentrionaus e lei Qing Posteriors. Lo tèxte prevesiá la restitucion dei generaus e dei territòris capturats per lei dos camps.

Arts[modificar | modificar la font]

Sciéncias e tecnicas[modificar | modificar la font]

Economia[modificar | modificar la font]

Naissenças[modificar | modificar la font]

Decèsses[modificar | modificar la font]

Nòtas e referéncias[modificar | modificar la font]

  1. Durant son rèine, Yazdgard Ièr foguèt sustot preocupat per la poissança de son clergat (zoroastrian) e de son aristocracia. Utilizèt donc leis influéncias romanas (cristianisme... etc.) per leis afeblir.