Rio de Janeiro (ciutat)

Un article de Wikipèdia, l'enciclopèdia liura.

Anar a : navigacion, Recercar

Vista panoramica de la zona sud de la ciutat de Rio de Janeiro.

Município do Rio de Janeiro

1 182 km²

6 136 652 (2006)
5190,5 ab/km²

Jorn de fondacion

1 de març de 1565

Latitud

22º 54' S

Longitud

43º 14' O

Altitud

2 m

Distància de Brasília

1160 km

Còde postal

20000-000

Administracion municipal

Prefeitura Municipal de Rio de Janeiro - Rua Afonso Cavalcanti, 455 - Cidade Nova CEP: 20211-110

Prefècte de la vila

César Maia

Internet

http://www.rio.rj.gov.br

Localizacion de la vila en Brasil

Rio de Janeiro es la segonda vila de Brasil per la populacion. Compta 6 094 183 abitants (estimacion de 2005), e son airal metropolitan, 11 milions d'abitants (los cariocas).

Es una vila toristica famosa dins lo mond entièr, e tanben un important centre de comèrci e servicis, portuari, aeroportuari (lo segond aeropòrt de Brasil en movement de passatgièrs) e tanben industrial (aliments e bevendas, textil, rafinariá de petròli, construccion de vaissèls, etc).

Lo mètro de la ciutat a 42 km d'extension, 2 linhas e 38 estacions.
Es estada designada lo divendres 2 d'octobre de 2009, sèti dels Jòcs Olimpics d'Estiu de 2016 per lo CIO , Comitat Internacional Olimpic.

[modificar] Istòria

La Baia de Guanabara (pròcha de la ciutat) foguèt descobèrta lo 1 de genièr de 1502. Lo nom de Rio de Janeiro foguèt lo resultat d'una confusion de la baia amb un riu.

Los Franceses comandats per Nicolau Durand de Villegaignon ocupèron l'illa de Serigipe (actuala illa de Villegaignon) mas foguèron expulsats pels portugueses. En 1711, lo corsari francés René Duguay-Trouin temptèt una novèla invasion, amb 7 vaissèls e 3200 òmes, mas abandonèt la ciutat aprèp un acòrdi.

La ciutat foguèt transformada en capitala de la colonia portuguesa de Brasil en 1763. La vila contunhèt d'èsser capital colonial fins l'an 1808, an que la familha reiala e fòrça nòbles de Lisbona se transportèron a Rio de Janeiro en fugent de l'invasion napoleonica de Portugal. La capitala del reialme de Portugal foguèt transportada a Rio, en venent l'unica capitala europèa situada defòra del continent. Cossí en aquela epòca i aviá pas espaci fisic ni estructura urbana per residéncia dels centenats de nòbles qu'èran arribats subitament, simplament molts abitants aguèron los sieus ostals desapropriats.^[1]

Quand lo prince Pèire proclamèt l'independéncia del Brasil l'an 1822, decidiguèt contunhar amb Rio de Janeiro coma capital de lo sieu nòu empèri. Rio demorèt coma capital del país quand lo 1889, la monarquia foguèt remplaçada per la republica.

Fins los primièrs ans del sègle XX, la vila compreniá solament l'actual centre istoric e districte financièr, just a la boca de la Baia de Guanabara. Alavetz, lo centre de gravetat de la vila se transportèt cap al que se coneis uèi coma Zòna Sud, quand se bastiguèt lo primièr tunèl per jos las montanhas que separan lo quartièr de Botafogo e lo nòu quartièr de Copacabana. La beutat naturala de la plaja, aital coma la reputacion aquerida per l'otèl Copacabana Palace, un grand otèl de luxe de l'America dels ans 30, ajudèron a Rio a ganhar una brilhanta reputacion que manten encara uèi jorn.

Los plans per mòure la capitala de la nacion al centre territorial del país comencèron a se discutir a mitats del sègle XX e aquand Juscelino Kubitschek foguèt eligit president lo 1955 avancèt la promesa de bastir una nòva capitala^[2]. Solament lo 21 d'abril de 1960 amb l'inauguracion de Brasília, la vila abandonèt lo pòst de capitala brasilièra.

La vila foguèt transformada en capitala de l'estat de Rio de Janeiro lo 15 de març de 1975.

[modificar] Relèu

Lo Crist Redemptor, un dels punts toristics mai coneguts de la ciutat.

La vila ocupa lo marge occidental de la baia de Guanabara e qualques unas de las siás respectivas illas (coma Governador e Paquetá), e se desvolopèt sus estrechas planas alluvialas comprimidas entre montanhas e monts pichons. La Sèrra de la Mar, bordant l'Ocean Atlantic, se lèva nòrd-oèst, distant près de 40 quilomètres del litoral.

Lo sieu litoral a 197 quilomètres d'extension, compren pus de 100 illas qu'ocupan 37 km²,en tres parts,a l'entorn de la baia de Sepetiba, a l'Ocean Atlantic e a la baia de Guanabara. Lo litoral de la baia de Sepetiba a coma unic accident geografic d'expression la Restinga de Marambaia, compausada de sorra, bassa e pauc retalhada. Lo litoral de la baia de Guanabara es retalhat, bas, e an fòrça illas (coma del Governador, de 29 km², e a l'Aeropòrt Internacional del Galeão) e, en los sieus marges, se situan lo centre comercial e las banlègas industrialas.

Lo punt pus naut de la vila es la montanha Pico da Pedra Branca, amb 1.024 mètres d'altitud. Altras montanhas importantas sont lo Pic de Tijuca (1.022 m), lo Pic del Papagaio (975 m), la Pèira d'Andaraí (900 m) la Pèira de la Gávea (842), e lo Corcovado, amb 704 mètres d'altitud, famós per lo monument al Crist Redemptor.

[modificar] Punts toristics mai coneguts

Lo Pan de Sucre.

Lo Crist Redemptor (en portugués Cristo Redentor) es un simbòl de la vila de Rio de Janeiro e una de las set nòvas meravilhas del mond. L'estatua mesura 39,6 mètres de la basa fins al cap. Es situada a la cresta del Mont Corcovado, amb unas vistas privilegiadas de la vila. Foguèt inaugurada lo 12 d'octobre de 1931, après 9 ans d'òbras. L'an 2003 s'inaugurèt l'accès mecanizat a la cresta de la cantierada, amb ascensors panoramics e d'escalièrs mecanics, qu'evitan la pujada dels 220 esglaons de l'escalièr que portavan al pè de l'estatua.
La montanha del Pan de Sucre
L'estadi de Maracanã
Las plajas de Copacabana, Ipanema, Leblon, e Barra da Tijuca
Los edificis istorics del centre de la ciutat
Musèus: Musèu Nacional (dins lo parc Quinta da Boa Vista), Musèu Nacional de Belas Artes, Musèu de Arte Moderna, lo Musèu da República, etc.
La Vila del Samba (Cidade do Samba) es la darrièra atraccion toristica de la vila en ocupant un airal de 114.000 mètres cadrats, situada dins lo districte del pòrt, en la zòna centrala. Es lo local ont venon las desfiladas de Carnaval de la vila.