George Berkeley

Un article de Wikipèdia, l'enciclopèdia liura.
Anar a : navigacion, Recercar

George Berkeley (Thomastown, Kilkenny, 12 de març de 1685 - 14 de genièr de 1753) tanben conegut coma l'evesque Berkeley foguèt un filosòf irlandés de parents angleses. Son apòrt filosofic mai important es la teoria nomenada "immaterialisme".[1] Per son apòrt a la teologia, es venerat coma sant per qualques glèisas anglicanas.

Biografia[modificar | modificar la font]

Sos estudis universitaris los faguèt al Trinity College de Dublin. A la fin de son parcors obtenguèt un gra que li permetèt d'èsser professor de filosofia. En 1710 foguèt ordenat prèire anglican, e en 1734 foguèt nomenat evesque. Fa partida del movement filosofic de l'Empirisme, ensems amb d'autres filosòfs famoses coma John Locke o David Hume[2].

Afirma que l'existéncia consistís en percebre o èsser percebut, « èsser es èsser percebut » e alara, sonque podèm assegurar l'existéncia de las idèas (Idealisme), perque l'ésser se rend pel fach d'èsser percebut. Mas, qu'arriba de tot çò que degun pòt pas percebre? Existís pas? Berkeley afirma que, òc, existís perque Dieu, òc, cap tot. Atal doncas, Dieu es la clau de l'existéncia dels objèctes, atal quand vesèm un objècte, lo vesèm pas simplament perque existís, mas perque Dieu fa que siá possible de lo veire. Aquò nos pòt portar a la ment que totes sèm de personatges de ficcion de l'esperit de Dieu. Aquela pensada es font d'inspiracion per Jostein Gaarder per realizar son best-seller, Lo Monde de Sofia.

Òbras[modificar | modificar la font]

  • Philosophical Commentaries, (Comentaris filosofics), 170708
  • An Essay towards a New Theory of Vision, (Ensag sus una nòva teoria de la vision), 1709
  • A Treatise Concerning the Principles of Human Knowledge, Part I, (Tractat suls principis de la coneissença umana, Part I), 1710
  • Three Dialogues between Hylas and Philonous, (Tres dialògs entre Ilas e Filonus) 1713.
  • De motu, (Del moviment)1721
  • Alciphron: or the Minute Philosopher, (Alifron: o lo filosòf Minuta) 1732
  • The Theory of Vision or Visual Language … Vindicated and Explained, (La teoria de la vision o Lengatge visual … Rasonat e explicat1733
  • The Analyst, (L'Analista) 1734
  • The Querist, (Lo demandaire) 173537
  • Siris, 1744
Christ Cathedral d'Oxford; al primièr pilar de l'esquèrre, cenotafi de George Berkeley.

Nòtas e referéncias[modificar | modificar la font]

Nòtas[modificar | modificar la font]

  1. (es) "Historia de la filosofia" Miguel Merín, José Manuel Arribas, Antonio Roura. Historia de la filosofía 2 bachillerato. Ed. Santillana. ISBN 84-294-8297-0 p.162
  2. id "Historia de la filosofia"

Referéncias[modificar | modificar la font]

  • (es)Bermudo, JM. El Empirismo. Ed. Montesinos. Barcelona, 1983.
  • (es)Bermudo, JM. La Filosofía Moderna y su proyección contemporánea, Ed. Barcanova. Barcelona 1983.
  • Gaarder, Sofies verden. (Lo monde de Sofia)