Chassean
Lo Chassean qu'ei ua cultura preïstorica deu Neolitic mejan qui's desvolopè, haut o baish, enter 4 200 e 3 500 ans abans l'èra crestiana.
Que deu lo son nom au site eponim de Chassey-le-Camp, vilatge deu departament de Sòna e Léger, en Borgonha los elements deu quau e hon descrivuts lo purmèr còp per J. Déchelette en 1912. Lo tèrme que ho tornar pres per J. Arnal en 1950 entà designar l'ensemble de las indústrias deu « Neolitic occidentau » (Windmill Hill a Avebury, Almeria, Michelsberg, Lagozza, Cortaillod...). Rapidament, aquera définicion hèra englobanta que ho revisada per R. Riquet (1959) qui arretiengó l'etiqueta chasseana tà las produccions deu Neolitic Mejan francés. Que's destria despuish ençà un Chassean meridionau: Mieidia-Pirenèus, Auvèrnhe, Borgonha, Lengadòc-Rosselhon, Provença-Aups-Còsta d'Azur e nòrd de Itàlia; en mei d'un Chassean septentrionau dens lo Bacin parisenc.
