Canberra

Un article de Wikipèdia, l'enciclopèdia liura.
Anar a : navigacion, Recercar
Canberra
Australian Capital Territory
Canberra Montage.png
Flag of the Australian Capital Territory.svg
País Flag of Australia.svg Austràlia
Superfícia 805,6 km²
Populacion 323 645 (2004)
Latitud 35° 16' 58" S
Longitud 149° 07' 53" È
Altitud 550 - 700 m
Localizacion de la vila en Austràlia
Canberra locator-MJC.png


Canberra es la capitala d'Austràlia. Amb una populacion estimada a 360 000 abitants, es l'ochena vila d'Austràlia. Sa superfícia totala es 805,6 km². La vila es situada a l'extèm nòrd del territòri de la capitala australiana (ACT), a 280km al sud-oèst de Sydney, e 660km al nòrd-èst de Melbourne.

Lo site de Canberra foguèt causit per i bastir la capitala australiana en 1908 coma un compromés entre sas rivalas Sydney e Melbourne, las doas pus grandas vilas d'Austràlia. Es la sola vila d'Austràlia qu'aperten a cap estat, similara al Districte federal american de Columbia. Sa bastison comencèt en 1913 après un concors internacional remportat per lo parelh d'arquitèctes americans Walter Burley Griffin e Marion Mahony Griffin. La concepcion de la vila foguèt fortament influenciada par l'idèa de vila verda ; aital Canberra presenta de vastas zonas de vegetacion naturala que li vaguèron l'escais de "capitala del bush". Emai que la creissença de la vila siá estada fortament alentida per las doas guèrras mondialas e la crisi economica de 1929, Canberra faguèt flòri après la Segonda Guèrra Mondiala quora lo primièr ministre Robert Menzies encoratjèt son desvolopament e creèt la National Capital Development Commission (Commission pel desvolopament de la capitala nacionala) en li balhant de poders executius. Aquesta commission foguèt supprimida en 1988 e remplaçada per la National Capital Authority (l'Autoritat de la capitala nacionala) qui permet a l'Estat de servar una certa influéncia sul territòri , e mai que siá vengut ara autonòm.

Sèti del govèrn australian, Canberra assosta tanben lo Parlament e la Nauta Cor e nombroses ministèris e direccions nacionalas mas es tanben lo sèti de fòrças institucions socialas e culturalas coma la Galariá nacionala, lo National Museum, lo Memorial de guèrra, l'Universitat nacionala australiana, l'Institut dels Espòrts e la Bibliotèca nacionala.

Ancian ostal del Parlament Australian e memorial de las guèrras, a Canberra.
Vista del Parlament e autres edificis importants de Canberra.

Embessonatges[modificar | modificar la font]

Ligams extèrnes[modificar | modificar la font]