William Hicks
William Hicks (1830 - 5 de novembre de 1883) foguèt un militar britanic. Participèt a divèrsei guèrras colonialas de la segonda mitat dau sègle XIX coma l'expedicion de 1868 còntra Etiopia ò la Guèrra Angloegipciana de 1882. En 1880, se retirèt de l'armada britanica ambé lo reng de coronèu e intrèt au servici dau khediv d'Egipte. Foguèt alora mandat en Sodan onte lei tropas angloegipcianas devián faciar l'insureccion madista. Foguèt cargat d'una expedicion còntra Kordufan après la conquista de la region per lei Madistas. Pasmens, sei tropas foguèron atacadas per de fòrças numericament superioras e anientadas a la batalha d'El Obeid (3-5 de novembre de 1883). Hicks foguèt tuat a la fin de la batalha dins lo corrent de l'afondrament dei darrierei defensas angloegipcianas.