Wikipèdia:La tavèrna/003

Un article de Wikipèdia, l'enciclopèdia liura.
Salta a la navegació Salta a la cerca

Nòta : lo tèxt çaijós es estat desplaçat dempuèi la Tavèrna de Wikipèdia per aleujar aquesta pagina qu'arrèsta pas de s'alongar.

Nom del projècte[modificar la font]

Vos rapèli que demòran pas que 2 jorns per votar pel nom que se balharà al projecte Occitan de la Wikipedia! Esitetz pas a donar vòstre vejaire...
Wikipèdia:Presa de decision/Nom del projècte Wikipèdia bis
Cedric31 16 jul 2006 à 20:01 (UTC)


Quora se chamjará lo nom per Wikipédia?KekoDActyluS 20 jul 2006 à 15:26 (UTC)

Ara que lo vòte es acabat, òm pòt utilisar l'alternativa qu'es estada causida: Wikipèdia. Per cambiar tot lo siti, ai ensajat de trobat un robòt prèst a nos ajudar per far los cambiaments d'un biais automatic... Vos tendrai al corrent quand n'aurai trobat un...
Cedric31 22 jul 2006 à 19:14 (UTC)


Ai començat las modificacions... Me caldrá de temps, que la tasca es grandassa...
Ai fach una demanda sus Mediawiki per far modificar lo logo "Oiquipedià. L'enciclopedia liura" en "Wikipèdia. L'enciclopèdia liura" Perque aquò despassa mas qualificacions...
Cedric31 26 jul 2006 à 21:17 (UTC)


Se es pas qu'una imatge de cambiar o pòdi far, se ai l'imatge de base. Se es un quicòm informatic coma me sembla (capiti pas d'enregistrar l'imatge amb un clic drech...) pòdi pas ajudar... --Gavach 26 jul 2006 à 21:51 (UTC)


Sabi pas tròp cossí fonciona! Ai fach una demanda al servici que s'ocupa d'aquò al Mediawiki qu'es un genre de formiguièr d'informaticians...
Podes ensajar de lo far se voles mas pensi que val benlèu mièlh lo daissar far d'un biais "oficial".
De tot biais, mercé per ta proposicion!
Cedric31 27 jul 2006 à 22:08 (UTC)


Quand se cambiarà lo lògo de Oiquipedià en Wikipèdia, tanben caldriá cambiar lo sostítol l'enciclopedia liura en l'enciclopèdia liura.--Aubadaurada 17 d'agost 2006 à 00:21 (UTC)


Coma lo disiai mai naut, n'ai fach la demanda al Mediawiki... Pensi que los grafistas son en vacanças... Tardan!
Cedric31 17 d'agost 2006 à 17:33 (UTC)


Aprèp mantuna setmana d'espèra e de suplicas, abandòni l'idèa de far cambiar lo lògo de nòstra wiki pels servicis de MediaWiki! Ai pas capitat de jònher la persona que deuriá s'en ocupar... Vaquí lo ligam par cargar l'imatge! Se n'i a qu'an de competéncias en grafisme, ensajatz! Mercé! Meta:Image:Wikipedia-logo-oc.png
Se qualqu'un capita la mesa a jorn pòt enregistrar lo lògo novèl dins aquesta pagina: Fichièr:Logò novèl wikipèdia.
Si que non, las modificacions dins los articles, los modèls e las categorias sont gaireben acabadas...
Cedric31 29 d'agost 2006 à 22:09 (UTC)


Lo contributor Jecowa nos a fach un lògo novèl Imatge:Wiki-oc.png. Mercé a ele! Ai mandat una demanda a Commons, atal, la podràn metre en plaça e aquesta aventura administrativa longarassa serà enfin acabada!
Cedric31 6 set 2006 à 21:55 (UTC)


Òsca! Es fach! Lo lògo novèl es enfin en plaça!!!
Cedric31 3 oct 2006 à 08:26 (UTC)


Òsca a Cedric31 e a totes los wikipedians qu'an permés de finalizar lo lògo novèl! Es bravament polit!--Aubadaurada 3 oct 2006 à 15:09 (UTC)

TuvicBot[modificar la font]

I would like a bot flag to run my interwiki-bot TuvicBot (using Pywikipedia). This bot will run in manually assisted mode, adding and updating interwiki-links, using the Dutch wiki as a starting point. I'm mostly planning to solve interwikis that autonomous bot skip because they're ambigious. (And sorry for not speaking in your language :-()

I'm posting this here, because I couldn't find a local approval page. --Tuvic 24 jul 2006 à 14:35 (UTC)

Edit: I created the approval page now: the request is now at Wikipèdia:Bòt/Estatut. --Tuvic 24 jul 2006 à 18:34 (UTC)

I created the page: Wikipèdia:Bòt/Estatut, post your candidature properly and begin the vote.
I also put an annonce in "Comunautat".
Cedric31 24 jul 2006 à 20:54 (UTC)


Nomenar la flòra[modificar la font]

Cossi crear d'article sus la flòra que prenon en compte la diversitat dialectala? M'expliqui, soi Auvernhàs e cerqui d'informacions suls jarrics o soi lengadocian e cerqui d'informacions suls garrics, se l'article pòrta pas qu'un nom ex: Garric serai plan embestiat. Qué calria far que m'agradaria de començar un trabalh sus aquò? Nomenar los articles amb totis los noms ex: Jarric/Garric/Chaine... en tot saber qu'aquelas denominacions son puslèu cambiadissas, causir de pas que far d'articles amb lo nom latin coma nom de basa ont seràn donats totis los noms vernaculars (o al mens los mai espandits), una autra solucion? Qué pensatz d'aquela question? --Gavach 25 jul 2006 à 22:06 (UTC)


Aviai lo meteis problema pels animals... Ai decidit, coma sus d'autras Wikipedia, d'utilisar lo nom latin (que fa referéncia). Per exemple, per Turdus merula, classat dins la categoria Categoria:Ausèl (noms scientifics). Lo (o los) nom(s) en occitan, Mèrle negre [1] aquí, es (son) redirigit(s) vèrs aqueste article principal e categorisat(s) dins Categoria:Ausèl (noms vernaculars). Atal, la recèrca es possibla amb los noms latins, mas tanben amb los noms comuns de totes los dialèctes imaginables... Un detalhòt, cal que totes los noms comuns sián dirigits dirèctament vèrs l'article amb lo nom latin e pas un vèrs l'autre e encara vèrs un autre... Pensi que seria interessant, dins los tèxt principal de precisar los diferents noms e lors originas per que siá ben clar.
Bon trabalh! Coralament!
Cedric31 26 jul 2006 à 21:12 (UTC)


Ajuda!! Lo o la que se sap petassar amb los taxobox me poiria ajudar? Arribi pas d'emplir los camps en utilizar lo biais amb las tiretas coma per d'exemple lo modèl:riu. Ai l'impression qu'es un quicòm mai complicat qu'un modèl de tablèu simple: a cada còp m'ajusta una colona mai o lo tablèu s'alonga d'una autra tablèu. En brèu soi dins la panada... Podètz anar veire l'article Quercus ilex e modèl: taxobox vegetal se vos i volètz ensajar... Gavach


Es pas estat aisit! Mas aquò fonciona!
Ai tanben creat las categorias pels noms scientifics e vernaculars per categorisar tos articles sus la flòra...
Coralament!
Cedric31 27 jul 2006 à 22:01 (UTC)


Per poder indicar la variabilitat (granda) dels noms de las plantas (e perqué pas de las bèstias?, sufis de cambiar las colors) ai preparat aquò.Qué ne pensatz? => Utilisator:Gavach/tèst noms dialectals de la flòra. Sai pas se s'en pòt far un modèl pr'amor lo nombre de linhas son variables. --Gavach 28 jul 2006 à 11:21 (UTC)

TuvicBot[modificar la font]

Un robòt Olandés a fach una demanda per integrar la Wikipèdia e nos ajudar a i plaçar de ligams interlengas (interwiki). Podètz balhar vòstre vejaire: Wikipèdia:Bòt/Estatut; un vòte es dobèrt
Cedric31 26 jul 2006 à 21:22 (UTC)


Degun a pas encara votat... Los robòts sont importants per interconectar los projèctes de lengas diferentas! Caldriá èsser un pauc mai aculhent... ;)
Cedric31 31 jul 2006 à 22:14 (UTC)

L'usancièr auvernhat[modificar la font]

Vos remembratz d'aquèl usancièr auvernhat qu'insultava a totòm e nos disiá nazis, vertat? Doncas ara, coma pòt pas far res aicí, es a la wikipèdia francesa, a la pagina de discussion de l'article "occitan" en insultant "a ronfle". Nos ditz nazis e a ieu "imperialista catalan". Se pòt parlar amb l'administrator la wikipedie per far qualquarren emb el? KekoDActyluS 29 jul 2006 à 08:13 (UTC)


Ai vist sas intervencions! As rason! Es afligent...
Çaquelà, cada wiki es independenta e la comunautat del projècte en lenga francesa es liura de jutjar!
Cedric31 30 jul 2006 à 21:32 (UTC)

Antroponimia russa[modificar la font]

Cossi transcriure los noms de familha russes en occitan? Soi bloquat per crear los articles sus Zhukov/Joukov o Chuikov/Tchoukov?

Si que non 3000 ARTICLES!!! --Gavach 3 d'agost 2006 à 10:57 (UTC)

re:Antroponimia russa, ebrèa e arab[modificar la font]

Adiu, Gavach! E tanben los noms en ebrèu e arab: Yitzhak Rabin (?); Mohamed/Mohammad, Muamar Gadafi/Muamar Khadafi...
(the rest of my comment is in English, because I do not dominate Occitan properly): If I know these names, I can write many other simple articles (with tables of contents and photos) about kings, presidents, prime-ministers, artists, and so on (our next goal: 4000 articles!).
Bon coralament, from Brazil, Joao Xavier 3 d'agost 2006 à 11:37 (UTC)


Adieu Gavach. I a un principi del CLO per reglar aquel problèma mas es pas encara publicat. Te'n passarai lo document se vòls. En gròs, cal utilizar una transcripcion de tipe internacional. Per lo rus, las equivaléncias majoralas occitan/francés son: sh/ch (Pushkin/Pouchkine), ch/tch (Chaikovskii/Tchaïkovski), zh/j (Voronezh/Voronej), -in/-ine (Lenin/Lenine), -ii/-i (Nevskii/Nevski) u/ou (Soiuz/Soïouz), i/ï (Soiuz/Soïouz)....--Aubadaurada 1 oct 2006 à 22:16 (UTC)

Politica de las categorias sus la wikipèdia[modificar la font]

M'agradaria que se lancèsse una discutida sus la creacion de categoria sus Wikipèdia. Personalament soi contra l'inflacion de las categorias: arriba que cal anar de categoria en jos categoria puèi en jos-jos categoria per arribar a...un article. Prepausi de pas crear de categoria qu'ajan pas mai de 2 articles e de se refusar las jos-categorias abans los a quicòm prèp 20 articles. De mai las categorias "vuèjas" se doblidan e quand fa besonh l'utilizator de bon còr n'en crea una autra mai o mens semblanta. --Gavach 4 d'agost 2006 à 19:08 (UTC)


Fa qualques temps que crei de categorias... Mon objectiu es de metre en plaça un quadre a l'organisacion dels articles de la wikipèdia. Fa encara qualques meses, un fum de paginas èran pas categorisadas, èran isoladas... Es vertat que, pel moment, i a de categorias gaireben vuèjas mas lo projècte avança, e serà pas longtemps atal. Compreni fòrt plan que las recèrcas semblen un pauc complicadas pendent aqueste periòde transitòri... Se pensatz que cal normalisar e regular la creacion de las categorias, òm pòt crear una discutida e metre al punt una règla. Cedric31 24 d'agost 2006 à 10:33 (UTC)


Prepausarai de categorizar largament dins un primièr temps (ex: istòria, musica, naissença en xxxx) e de soscar aprèp qu'una massa critica d'article sia disponible a categorizar mai finament los articles. O prepausi que cèrtas categorias me tafuran e que las causidas (quina que sián) me semblan trucar la NPOV:

  • Un exemple son las categorias "departementalas" (Avairon) vs. las categorias "provincialas" (Roergue).
  • O la categoria "noblessa francesa" que poiriam oposar a "noblessa occitana".

La categorizacion es pas un acte "neutre" mai que mai dins los domenis de las sciéncias umanas. Seriai per dubrir una pagina de discutida especiala (sens presa de decision al mens qu'una règla sortisca ela meteissa de la discutida) per:

  • Discutir de la politica generala de las categorias.
  • Senhalar las categorias que trucan, o las garrèlas o prepausar una novèla organizacion.

Aprèp, Cedric, compreni plan ta demarcha, mas auriai tendéncia de foncionar al revers...(;-) )--Gavach 25 d'agost 2006 à 10:36 (UTC)

Adieu-siatz[modificar la font]

Adieu-siatz, soi vengut vos demanda un ajuda, ai esenja de revira lo texte de http://commons.wikimedia.org/wiki/Template:Blason-fr-en podes lo veire aqui http://fr.wikipedia.org/wiki/Image:H%C3%A9raldique_blason_France_Gelde.svg i a de causas que truca... coma per exemple sorga.. sabi pas cossi se revira ?? ajudas me, se vos plai !! Rinaldum 24 d'agost 2006 à 19:08 (UTC)


Va puslèu plan: çaquelà es "de la wikipèdia francesa" en plaça "del wikipèdia francesa". Mas soi pas un aluserpit de la correcion lingüistica...--Gavach 25 d'agost 2006 à 11:01 (UTC)

O e ò[modificar la font]

Adiu a totes e totas! Ai un dobte lingüistic que jamai me soveni de demandar! Cossí s'escriu l'o prononciada ò sens pausar l'accent? Per exemple, mon nick, Keko_dc. Se prononcia coma en castelhan, qu'escrich puslèu seriá quicòm aital "ké'kò", mas en occitan s'i pausa un accent per mòt,coma en catalan o castelhan. I a qualque signe coma ^ o ¨, cossí se fa? Benlèu Kékö? Mercé plan e a lèu! KekoDActyluS 26 d'agost 2006 à 12:57 (UTC)


A priori, sembla pas possible de marcar al còp l'accent tonic sus la primièra sillaba e obténer lo son "o" sur la segonda! As la causida entre Kèko [Kéku] e Kekò [Keko]... Cedric31 27 d'agost 2006 à 17:08 (UTC)

Utilisator, utilizator, usancièr, usatgièr...[modificar la font]

Ai agut totjorn de dobtes, sabiái qu'i aviá mantun bias per dire "usatgièr", mas per çò qu'ai legit e vist (diccionari cantalausa, e mantun luòc pus), lo mòt mai desirable e benlèu mai occitan es usatgièr. Usancièr i es pas, suls diccionaris, e utilisator e utilizator son de francismes. Que ne pensatz, d'aquò? Ja ai chamjat usancièr per usatgièr en la wikipedia catalana. A lèu!KekoDActyluS 26 d'agost 2006 à 13:02 (UTC)


Ta reflexion es justa... Avèm causit "Utilisator" puslèu que las autras formas perque es la forma la mai utilisada espontanèament, quitament se es un francisme... Lo francés a influençat fòrtament la lenga nòstra, e ensajam aquí d'utilisar las formas dels mòts las mai correntas.
Coralament!
Cedric31 6 set 2006 à 22:01 (UTC)


Bonjorn en totei. Considerar "utilizator" coma un francisme es un vejaire discutible (e siáu pas d'acòrdi): es un mòt sabent ben format (coma "utilizzatore" en italian). Se pòu totjorn considerar que d'autrei mòts son pus idiomatics ; aquò es una question d'apreciacion. "Usancier" es estat prepausat per lo diccionari provençau-francés de la seccion provençala de l'IEO. Vivarés 7 set 2006 à 17:48 (UTC)


La tradicion renaissentista, ben sedimentada per lo TDF de Mistral, es de derivar lei vèrbs en -izar amb lo nom d'agent -izaire -izaira. Disi pas que -izator es un francisme, mai es preferible de far servir -izaire perque aquela terminason ja es tradicionala. Tanben vau mai evitar de multiplicar lei variacions non foncionalas. Doncas la forma mai autentica en occitan es utilizaire -aira. Utilizar e utilizaire an una z e non pas una s (CLO). La forma usatgier (TDF) tanben es tradicionala e bòna. La forma usancier sembla mal atestada o pas pron atestada, benlèu es imprudent de l'utilizar tròp.--Aubadaurada 1 oct 2006 à 22:24 (UTC)

Portal de las lengas minoritàrias[modificar la font]

Sus la pagina de discutida de l'Acuèlh, un contributor de la Wikipedia francofòna prepausa de metre al punt un portal comun a totas las lengas de França! A besonh de vejaires!
Cedric31 19 set 2006 à 16:16 (UTC)

Rubricas, pagina personala, "utilizaire", "discussion" etc.[modificar la font]

Adieu-siatz a totes. Ai ben legit lo messatge de Cedric31 per completar ma pagina personala amb Babèl. Mas d'en primièr voldriái corregir "utilisator" amb la forma tradicionala e normativa utilizaire (amb z segon lo CLO e -aire segon lo TDF de Mistral)... e i arribi pas tecnicament... Seriá l'escasença de far una revision globala de totas las rubricas de la Wikipèdia occitana, ont d'autres tèrmes serián tanben de corregir: utilisator* > utilizaire, previsualisacion* > previsualizacion, discutida* > discussion, etc.--Aubadaurada 2 oct 2006 à 20:06 (UTC)


Per çò que concernís lo mòt "utilisator", ai mes en plaça una Discutida en vista d'une presa de decision. Esitetz pas a balhar vòstre vejaire sus las diferentas possibilitats dins la pagina de discutida!
Cedric31 3 oct 2006 à 06:28 (UTC)


Per çò que concernís lo mòt "discutida", ai mes en plaça una Discutida en vista d'une presa de decision. Esitetz pas a balhar vòstre vejaire sus las diferentas possibilitats dins la pagina de discutida!
Cedric31 5 oct 2006 à 11:02 (UTC)