Wikipèdia:AcuèlhLutzSus/27 de mai de 2008
La Ciutat de Carcassona es un ensemble arquitectural medieval que se tròba dins la vila occitana de Carcassona dins Aude. Se situa sus la riba drecha d'Aude, al sud-èst de la vila actuala. Las originas d'aquesta Ciutat medievala fortificada, remontan al periòde galloroman. La Ciutat compren un castèl (lo castèl comtal) e una basilica (la basilica Sant Nazari).
Salvada de la destruccion puèi restaurada al sègle XIX d'un biais de còps controversat jos la direccion de Eugène Viollet-le-Duc, la Ciutat de Carcassona es dempuèi 1997 classada al Patrimòni Mondial de l'UNESCO. Lo castèl comtal, las fortificacions, las liças e las torres apartenon a l'Estat e son gerits pels monuments istorics françeses, mentre que la resta de la Ciutat fa partida del domeni municipal.