Wikipèdia:AcuèlhLutzSus/27 d'octobre

Vanuatu es una republica insulara de l’Ocean Pacific Sud. Es constituit d’un archipèu situat aperaquí a 1750 km a l’èst d’Austràlia, al nòrd-èst de la Nòva Caledònia, a l’oèst de las Illas Fiji e al sud de las Illas Salamon. Descubèrt en 1606 per Pedro Fernández de Quirós que l’apelèt Australia del Espíritu Santo, l’archipèu èra poblat per de populacions melanesianas. Foguèt colonizat a partir de la segonda mitat dau sègle XIX per de colons francés e britanics e leis illas venguèron un condomini francobritanic ambé lo nom de Nòvas Ebridas. A partir de la fin de la Segonda Guèrra Mondiala, apareguèron de movements independentistas. L’archipèu venguèt independent en 1980.