Vísol[1] (en italian Monviso - 3841 m) es una montanha d'Occitània coneissua fins da l'antiquitat, e per longtemp s'es cregut
foguesse la montanha mai auta dal mond.
Un di premiers a adobrar lo nom Monviso es estat Leonardo da Vinci ental 1511. Enformat sus la presença dins las carrieras dal Mont Brac de "una pietra faldata bianca", que semelhava al marm de Carrara, ne'n demandet un tròç a un amís per l'adobrar coma plancha per lhi colors.
Semelha tanben que sa curiositat l'aie possat a far lo pertuis dal Vísol, una galeria qu'ental 1480 era estaa volgua dal Marqués de
Saluces per facilitar la comunicacion entre Itàlia e França.
La figura imponenta dal "Rei de Peira" es totjorn estaa una presença amisa per la gent dal pòst, que a sabut esfruchar, amar e respectar
son territòri.
Lo grop dal Vísol fai part de las Alps Còcias meridionalas e es caracterizat da formacions de calcescisti e peiras verdas sonaas ofioliti. Aquestas ròchas presenton de caracteristicas mecànicas de diferent genre: qualq’una es ben dura e compacta, d’autras son de composicion mai friàbila.
Itàlia
