Vocaus

Un article de Wikipèdia, l'enciclopèdia liura.

Qu'aperam vocaus meilèu que cant las performàncias deus cantaires de cèrts estils de musica rock : lo hardcore e lo metal extrèm en particular (death metal, black metal, etc...) mes tanben la musica industriau o l'EBM.

Origina deu mot[modificar | Modificar lo còdi]

Aqueste mot que vien de l'anglés "vocals" e qu'ei recentament passat dens autas lengas. la persona qui practica aquesta fòrma de musica qu'ei sovent designada coma "vocalista".

definicion[modificar | Modificar lo còdi]

La diferéncia màger enter vocaus e cant tradicionau que son l'abséncia de melodias e la saturacion e l'intensitat de la votz. E la diferéncia màger enter vocaus e crits qu'ei que los vocaus son (lo mei sovent) en ritme sus la musica. Mes qu'ei tanben ua tecnica musicau qui dèu estar mestrejada. Cada estil musicau qui l'utiliza qu'ac hè d'un biais diferent. Atau uei lo dia, las marronadas hèra grèvas que son mei que mei presadas dens lo death metal e lo grindcore, mentre que lo black metal emplega un timbre de votz mei agut.

Termièras esloishas[modificar | Modificar lo còdi]

Las termièras enter cant e vocaus ne son pas hèra delimitadas. Mei e va mei e i a artistas que son polivalents e qui pòden passar deu crit au cant dens un concèrt o dens ua cançon (los grops Fear Factory o Forbidden Site per exemple o mei recentament Winds Of Torment o los Lanés de Gojira). Que i a tanben vocalistas qui, per balhar mei de vam a cèrtas partidas de las loas cançons, s'essajan a faiçons de cridar mei melodicas o a faiçons de cantar dab ua votz saturada : lo darrèr album de Cradle Of Filth e las òbras recentas d'In Flames que'n son un bon exemple. Enfin, com l'aparicion deus crits a la plaça deu cant se hasó a partir de la fin de las ans 70 mes sustot deu debut de las ans 80 e com se hasó d'un biais progressiu, cèrtes artistas que son de mau classar. Lemmy Kilmister de Motörhead, e canta o crida? E las performàncias de Venom, e son cant o vocaus?

Vocalistas famós[modificar | Modificar lo còdi]

Los noms deus grops on ofician que son indicats enter parentèsis.

Dani Filth (Cradle of Filth)

Count Grishnack o Varg Vikernes (Burzum)

Glen Benton (Deicide)

Henry Rollins (Black Flag, Henry Rollins Band)

Dead e Maniac (Mayhem)

SAS de L'argilière (Misanthrope)