Verd e Blu

Verd e Blu qu'ei un grope de musica tradicionau occitana per dançar de Gasconha creat en 1987 per Joan Francés Tisnèr, Joan Baudoin e Marie-Claude Hourdebaigt.

Que tòcan lo repertòri per dançar de Bearn e Gasconha : Sauts, rondèus, branlos d'Aussau.

Istòria

Lo grop se fondè en 1987 dab musicians occitans ja confirmats^[1] e qui uei e son de compte har^[2], segon l'expression d'Alain Bormann dens Trad'magazine.^[3]

Verd e Blu qu'ei compausat uei per:

Joan Francés Tisnèr
Marc Castanet
Lionel Dubertrand

Que i joguèn Joan Baudoin, Marie-Claude Hourdebaigt, Crestiana Mosquès, Martina Petriat, Crestian Josuèr.

Verd e Blu qu'a produsit shèis albums e a participat a divèrs festivals en Occitània (Hestiv'òc, a l'Estivada, au hestenau de Chomeirac, L'Estivala aus 15 ans de Deganhac^[4] a Fèsta d'Òc a Besièrs, au Trad'Estiu a Foish, a la hèsta seuvetona de La Seuva) e son passats au Seixal a Lisbona, aus Rencontres d'Ars, al Tradicionàrius^[5] en Catalonha, au hestenau pirenenc d'Ansó (Aragon), au Pir' en Aragon, o DansÀneu ^[6] enter autes.

Esperit musicau

Un tribalh apeat sus l'occitan de Gasconha e deu repertòri ligat. Verd e Blu qu'i cultiva un repertòri singular hens lo quau qu'a la votz ua importància màger. Enveja d'aligar dab umor e distanciacion, tradicion e modernitat, recèrca sonòra e interpretacion. Apropriacion tornar d’un repertòri e creacion tornar, la tradicion que n'ei la basa mes non pas ua tòca en si medisha. Qu'ei lo repertòri per un tèrç de creacion. Que s'articula lo lor tribalha l'entorn deu beròi equilibri : basa de las tecnicas, los repertòris – taus com trobats o taus com los passèn los collectaires–, que'us mian e estar estillistas vertadèrs cadun hens lo son art.

Formacion

Lor instrumentarium qu'ei composat per :

votz, ua de las innovacions de Joan Francés Tisnèr qu'ei d'aprestar lo ton-ton (tamborin de còrdas) e a cantar en s'acompanhar dab, mentre tradicionaument qu'acompanha la flabuta de tres horats per constituïr l'orchestra de basa,
flabuta de tres horats e ton-ton (tamborin de còrdas),
bramatopin,
tricanetas de husta o d'òs,
bohas (cornamusas de Gasconha o cornamusas de las Lanas)
acordeons diatonics.

Discografia

Verd e Blu qu'an produsit sheis disques:

Jòcs de Dança (2010)^[7]
Baladas e danças (2005)
Musicas a dançar: dus (2001)
Ompra o só? (1996)
Musicas a dançar (1993)
Musicas de Gasconha (1991)

Bibliografia

Jordan Saisset, Camille Martel , Marseille, Le Mot et le Reste, seteme 2016, 240 p. (ISBN 978-2-36054225-3), pp 174-175.

Obratge que's refèra mantuns còps au tribalh de Joan Francés Tisnèr. Suus cent disques de musica occitan que presenta que compòrta ua critica deu digipack Jòcs de dança de Verd e Blu autanplan com ua miei dotzena de mencions deu grop.

Referéncias

↑ Verd e Blu - La Fabrica Cirdòc
↑ Verd e Blu - grop sus BnF
↑ "L'une des meilleures dynamiques de l'hexagone" dens lo son article titolat Voyage chez les Compay Segundo de la musique de Gascogne in Trad'magazine n° 137, pp. 44-45, mai-juin 2011, Portrait : Verd e Blu.
↑ Article La Dépêche du Midi
↑ https://ca.wikipedia.org/wiki/Centre_Artes%C3%A0_Tradicion%C3%A0rius
↑ Captació concèrt-ball per Lleida TV
↑ Critica de Trad'magazine d'avril 2010: "...L’ensemble que testimonia, e n'estosse de besonh, deu riquèr e de la diversitat deus repertòris de Gasconha. Que ren atau - enter autes - disponibles aus dançaires, la Redòva, Eth Molinet o Era Pastorèla de Sasòs (contredanças de Bigòrra), autanplan com ua version deu Quadrilh de Salias, jamei enregistrat dinc a lavetz. Au ras deus adobaments e de la votz de Joan Francés Tisnèr ofician uei Marc Castanet e Lionel Dubertrand... Multi-instrumentistes de tria (votz, boha, diatonic, flabuta, tamborin de còrdas, percussions...), per ua de las dinamicas e qualitats de musica a dançar mei bonas que sia possible d'encontrar actuauments. E n'ei pas per escàs. Qu'ei la resulta d'un caminament d’aprentissatges, de collectatges e de recèrcs, estretament ligat a ua desmarcha d’ensenhament e de formacion, que sia de cap aus musicians com de cap aus dançaires. Tota causa qui autoriza ua pratica musicau inovanta e la libertat de ton de las produccions d'aqueste grope, e l'entorn de l'element culturau màger qu'ei la lenga occitana." A. Bormann qu'ei dançaire, violoniste, redactor a Trad'magazine, organizator de hestenau.

Ligams extèrnes

Site oficiau deu grope : https://assolonau.wixsite.com/verdeblu
Disques suu site de Joan Francés Tisnèr https://www.joanfrancestisner.com e qu’èra distribuits per l'Autre distribution

[1] Verd e Blu - La Fabrica Cirdòc

[2] Verd e Blu - grop sus BnF

[3] "L'une des meilleures dynamiques de l'hexagone" dens lo son article titolat Voyage chez les Compay Segundo de la musique de Gascogne in Trad'magazine n° 137, pp. 44-45, mai-juin 2011, Portrait : Verd e Blu.

[4] Article La Dépêche du Midi

[5] ttps://ca.wikipedia.org/wiki/Centre_Artes%C3%A0_Tradicion%C3%A0rius

[6] Captació concèrt-ball per Lleida TV

[7] Critica de Trad'magazine d'avril 2010: "...L’ensemble que testimonia, e n'estosse de besonh, deu riquèr e de la diversitat deus repertòris de Gasconha. Que ren atau - enter autes - disponibles aus dançaires, la Redòva, Eth Molinet o Era Pastorèla de Sasòs (contredanças de Bigòrra), autanplan com ua version deu Quadrilh de Salias, jamei enregistrat dinc a lavetz. Au ras deus adobaments e de la votz de Joan Francés Tisnèr ofician uei Marc Castanet e Lionel Dubertrand... Multi-instrumentistes de tria (votz, boha, diatonic, flabuta, tamborin de còrdas, percussions...), per ua de las dinamicas e qualitats de musica a dançar mei bonas que sia possible d'encontrar actuauments. E n'ei pas per escàs. Qu'ei la resulta d'un caminament d’aprentissatges, de collectatges e de recèrcs, estretament ligat a ua desmarcha d’ensenhament e de formacion, que sia de cap aus musicians com de cap aus dançaires. Tota causa qui autoriza ua pratica musicau inovanta e la libertat de ton de las produccions d'aqueste grope, e l'entorn de l'element culturau màger qu'ei la lenga occitana." A. Bormann qu'ei dançaire, violoniste, redactor a Trad'magazine, organizator de hestenau.

[1]

[2]

[3]

[4]

[5]

[6]

[7]