Vaissèu de 64 canons
Un vaissèu de 64 canons èra un naviri de linha de tresen reng ambé dos pònts d'artilhariá que foguèt utilizat per lei principalei marinas militaras europèas dins lo corrent dau sègle XVIII. Faguèt son aparicion durant lo rèine de Loís XIV (1643-1715) au sen de la flòta francesa. Foguèron copiats a partir de 1764 per leis Anglés. A respèct dei modèls francés, lei naviris anglés èran equipats de canons pus pesucs. Pasmens, a partir de la mitat dau sègle XVIII, èra inferior vaissèu de 74 canons pus poderós e de la fregata de 12 pus rapida. Son avantatge demorèt son còst pus feble mai foguèt pasmens pauc a pauc remplaçat a la fin dau sègle.