Uxue Barkos

Un article de Wikipèdia, l'enciclopèdia liura.
Salta a la navegació Salta a la cerca
El lehendakari y la presidenta de Navarra firman un Protocolo de Colaboración entre ambas comunidades (cropped).jpg

Uxue Barkos Berruezo (Pampalona, 5 de julhet de 1964) qu'ei ua jornalista e ua politiciana basca, presidenta de Navarra dempuish lo 22 de julhet de 2015.

Qu'ei licenciada de Sciéncias de l'Informacion de l'Universitat de Navarra. Que tribalhè com locutritz de Ràdio Nacionau d'Espanha (RNE) e de Television Espanhòla (TVE) en Navarra e, tre 1990, d'Euskal Telebista (ETB) a Pampalona, a Iurreta e a Madrid.

Que hasó partida de "Nafarroa Bai", coalicion politica d'ideologia basquista, que n'estó deputada au congrès deus deputats pendent la VIII (2004-2008) e la IX legislatura (2008-2011). En 2007, qu'estó elejuda a la comuna de Pampalona, puish relejuda en 2011.

En 2011, qu'estó reelejuda deputada de Navarra au Congrès deus Deputats de la lista "Geroa Bai". En 2015, qu'ei elejuda au parlament de Navarra en la lista Geroa Bai. Dab l'ajuda deus partits Geroa Bai (9), EH Bildu (8), Podemos (7) e Izquierda-Ezkerra (2) ei investida presidenta lo 22 de julhet.