Troposfèra

La troposfèra es la partida de l'atmosfèra terrèstra situada al mai pròche de la superfícia del glòb a una altitud compresa entre 8 e 15 quilomètres, segon la latitud e la sason. Es mai espassa a l'eqüador qu'als pòls. La frontièra entre la tropofèra e l'estratosfèra se nomena la tropopausa.

Aquela jaça atmosferica representa gaireben 80 % de la massa totala de l'atmosfèra, es d'importança perque s'i trapa l'aire que respirem.

En mejana, la temperatura merma amb l'altitud, de gaireben 6,4 °C cada 1000 mètres. Se tròba dins aquela jaça gaireben totes los fenomèns meteorologics. Es doncas dins aquela jaça que se debana lo cicle de l'aiga, s'il trapa una massa importanta de vapor d'aiga (H₂O).

Es tanben ela que recupèra los gases eisits de l'activitat terrèstra:

• dioxid de carbòni (CO₂), ~ 0,039 %
• metan (CH₄)
• oxid nitrós (N₂O)
• monoxid de carbòni (CO)
• ozòn (O₃)
• sulfats (SO₄)
• dioxid d'azòt (NO₂)
• radical idroxil (OH)