Trio di Trieste
Lo Trio di Trieste foguèt un trio ambe piano italian del sègle XX.
Istòria[modificar | Modificar lo còdi]
Lo Trio di Trieste se fondèt en 1933. I participavan : Dario De Rosa (nascut a Trieste en 1919, mòrt a Florença en abril 2013[1] al piano, Renato Zanettovich (nascut a Trieste lo 28 de julhet de 1921 e mòrt lo 29 d'octobre de 2021) al violon e Libero Lana (nascut a Trieste en 1921 e mòrt en 1989) al violoncèl. Per tant, dos dels membres avián quicòm coma 12 ans e un autre 14. Lo primièr concèrt public del novèl ensemble se tenguèt en 1934 e, aprèp autres 3000 e mai, 62 ans d'activitat, lo darrèr concèrt public agèt lòc a Siena lo 3 de març 1995.
Lo sol càmbiament de la composicion del grope foguèt la substitucion del violoncellista Libero Lana per Amedeo Baldovino (1916, Alexandria d'Egipte - Milan, 13 de mai 1998), que veniá del Trio Italiano d'Archi[2]. Libero Lana partiguèt pr'amor de divergéncias ambe'ls autres o per orientar sa carrièra dins d'autras direccions.
Entre las 80 òbras executadas pel Trio di Trieste, las mai jogadas foguèron lo Trio Op.99 de Franz Schubert, lo Trio de Maurice Ravel, e lo «de l'Archiduc» de Ludwig van Beethoven.
Discografia[modificar | Modificar lo còdi]
Lo Trio di Trieste enregistrèt dins mai d'un ostal de disques : Celson, Decca, La Voce del Padrone, Deutsche Grammophon, Nuova Era. La disponibilitat de la màger part es problematica (en febrièr de 2016), mai que mai per lo melhor periòde del Trio (annadas 40 e 50). En 2004, Deutsche Grammophon sortiguèt un cofret de 5 disques ambe d'òbras de Vivaldi, Rameau, Haydn, Mozart, Beethoven, Schubert, Brahms, Schumann e Ravel.
Se pòt tanben citar un disque Archipel (ARPCD 0267) ont lo Trio di Trieste jòga lo Triple Concerto de Beethoven ambe l'Orquèstra sinfonica de Viena, jos la direccion de Karl Böhm, lo 11 de març 1954.