Tometa
Una tometa es un malon de la fòrma cairrada ò exagonala facha de terralha fòrça espandida en Occitània e mai que mai en Provença.
Per empegar la tometa au sòu, s'emplega generalament una pega facha de cauç. La desaparicion progressiva d'aquesta matèri tradicionala, la dificultat de sa pausa quora pren la fòrma exagonala e son entreten particular au sabon negre e a l'òli de lin fa que la tometa encuei s'endeven mens emplegada qu'aperavans e que son còst es anat en grandissent.
Lo vilatge de Salèrna es fòrça famós per la qualitat de sei tometas.
