Therapie Taxi

Therapie TAXI èra un grop pop rock francés e hip-hop de París (França), compausat de la violoncellista Adélaïde Chabannes de Balsac al cant, de Raphaël Faget-Zaoui, de Félix Gros a la guitarra e als clavièrs e de Renaud Bizart a la batariá. Foguèron actius entre 2013 e 2021^[1]. Lor cançon mai coneguda es de 2018 e se ditz Hit sale. Es cantada ambe la participacion del rapaire Roméo Elvis. Se separèron en octòbre de 2021 après 8 ans d’activitat.

Biografia[modificar | Modificar lo còdi]

En 2013 Adélaïde Chabannes de Balsac publiquèt una anóncia sus un malhum social de mesa en relacion d’artistas. Raphaël Faget-Zaoui li respondèt.

Se rescontrèron a París al barri Pigalle, títol d’una de lors cançons. La jove violoncellista aviá pas que 17 ans al moment de lor rescontre, interpretèt Jimmy del grop Moriarty. Comencèron lor repeticions amb d’en primièr de cançons en anglés abans de passar al francés, inspirats per La Femme e Fauve. Lo primièr nom del grop èra Milky Way, camin de Sant-Jacme en lenga nòstra. En junh de 2016 venguèron Therapie Taxi amb l’arribada d’en Féliz Gros e d’en Renaud Bizart. Lo primièr disc un títol jos nom de Therapie Taxi es Salop(e), salòp(a).

En 2019 èran nominats pels prèmis de las Victoires de la Musique dins la categoria « Revelacion en viu ». Aquela annada viravan de concèrts en concèrts, al Zenith de París, als festenals coma Solidays o Garorock en Occitània. Una virada deviá seguir la sortida de l’album Cadavre exquis mas a causa de la pandemia de Covid foguèt anullada.

Discografia[modificar | Modificar lo còdi]

L’album Hit Sale Xtra Cheese es una reedicion del disc Hit sale sortit a la debuta de 2018 amb uèch pistas de mai e dos remixes per Yuksek (Coma Idyllique) e Contrefaçon (Pigalle).