The White Stripes
The White Stripes es un grop de ròck anglofòn american, originari de Detroit, dins Michigan (Estats Units). Es un duò format en 1997 compausat de Jack White (John Anthony Gillis) al cant, a la guitarra, al piano e a l'escritura, e de Meg White (Megan Martha White, son esposa fins en 2000, annada de lor divòrci), a la batariá, al cant e al piano.
Lo grop se separa lo 2 de febrièr de 2011.
Lo riff de guitarra de lor títol de 2003, Seven Nation Army, mi-mi-sòl-mi-re-dò-si, es vengut un repic immensament popular en Euròpa pels suportaires dels clubs de fotbòl. Seriá estat cantat per de suportaires lo primièr còp lo 22 d'octobre de 2003 pendent una partida entre lo Club Bruges contra l'AC Milan. Aqueste repic foguèt alavetz représ en liga italiana, puèi pels suportaires de l'equipa nacionala d'Itàlia en 2006 pendent la Copa del mond de fotbòl, ganhada aquela annada contra França.[1]
Discografia[modificar | Modificar lo còdi]
- 1999 : The White Stripes
- 2000 : De Stijl
- 2001 : White Blood Cells
- 2003 : Elephant
- 2005 : Get Behind Me Satan
- 2007 : Icky Thump