Acid de Bronsted

Aqueste article es redigit en provençau.
Un article de Wikipèdia, l'enciclopèdia liura.
(Redirigit dempuèi Teoria de Bronsted-Lowry)

Un acid de Bronstedacid de Bronsted-Lowry) es una substància quimica capabla de liberar un proton[1]. Prepausada en 1923, d'un biais independent, per Joannes Bronsted (1879-1947) e Thomas Lowry (1874-1936)[2], aquela definicion de l'aciditat es una extension dau concèpte d'acid d'Arrehenius.

Dins aquela definicion, es important de destriar lei nocions « d'acid » e de « forma acida ». L'acid es l'entitat que reagís amb una basa e la forma acida es l'entitat associada a la forma basica de l'acid dins un pareu acid/basa. Lei formas acida AH e basica A constituïsson un pareu acid/basa qu'es liat per la reaccion de l'equilibri de Bronsted :

AH + H2O = A + H3O+

L'aiga es lo solvent pus utilizat mai d'autrei compausats pòdon tenir aqueu ròtle. Lei pareus acid/basa an una gròssa importància en quimia car un acid d'un pareu donat pòu reagir amb una basa d'un autre pareu. Una tala reaccion es dicha reaccion acidobasica. Un acid de Bronsted s'identifica aisament quand es plaçat dins una solucion aquosa car lo pH d'aquela solucion pren alora una valor inferiora a 7.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. (en) Darrell Ebbing e Steven D. Gammon, General Chemistry, Cengage Learning, 2016.
  2. (en) William Masterton, Cecile Hurley e Edward Neth, Chemistry: Principles and Reactions, Cengage Learning, 2011, p. 433.