Tenorita
La tenorita es un minerau negre ò gris que foguèt nomat en onor dau botanista italian Michele Tenore (1780-1861). D'una duretat egala a 3,5 e d'una densitat situada entre 5,8 e 6,5, es compausada d'oxid de coire (CuO) que forma de lamellas ò de massas pulverulentas. Son esclat es metallic. Es tanben infusibla mai solubla dins l'acid cloridric e dins l'acid nitric. Es pas fluorescenta.
Dins la natura, se tròba generalament dins lei zònas d'alteracion dei formacions cuprifèras. Pus rarament, pòu formar de depaus a l'entorn de fumarolas volcanicas. Es generalament associada amb la cuprita, lo coire natiu, la cotunnita, la melanotallita e la paratacamita. La tenorita es utilizada coma minerau segondari per la produccion de coire dins l'industria miniera.