Téléphone

Jean-Louis Aubert e Louis Bertignac « Les Insus » (ex-Téléphone) sus l'empont en Bretanha en 2016

Téléphone èra un grop emblematic del rock francés format lo 12 de novembre de 1976 a París e separat lo 21 d'abril de 1986.

Biografia

Compausat de Jean-Louis Aubert (guitarra e cant), Louis Bertignac (guitarra e cant), Corine Marienneau (bassa, cant e guitarra) e Richard Kolinka (batariá), Téléphone aguèt una capitada enòrma en França tre sos debuts ambe mantunas cançons (Hygiaphone, La bombe humaine, Argent, trop cher, Ça, c'est vraiment toi, Cendrillon, Un autre monde, New York avec toi, Le jour s'est levé...) e viradas fòrça popularas. En dètz ans d'activitat, entre 1976 e 1986, lo grop montèt mai de quatre cent setanta còps sus l'empont e sortiguèt cinq albums. Es tanben lo grop rock francés segond mai gròs vendeire de disques aprèp Indochine.

Separats dempuèi 1986, Jean-Louis Aubert, Louis Bertignac e Richard Kolinka se son pr'aquò amassats jos lo nom « Les Insus » per interpretar las cançons de Téléphone a l'escadença de qualques concèrts fin 2015, per una granda virada en 2016, festenals en 2017, e un final a l'Estadi de França lo 16 de setembre de 2017.

Discografia

• 1977: Téléphone
• 1979: Crache ton venin
• 1980: Au cœur de la nuit
• 1982: Dure limite
• 1984: Un autre monde

Cançons mai conegudas

• Hygiaphone (1977)
• Métro, c'est trop (1977)
• Flipper (1977)
• Téléphomme (1977)
• Anna (1978)
• La bombe humaine (1979)
• Un peu de ton amour (1979)
• Faits divers (1979)
• Crache ton venin (1979)
• Argent, trop cher (1980)
• Au cœur de la nuit (1981)
• Le silence (1981)
• Ploum ploum (1980)
• Fleur de ma ville (1980)
• Ça, c'est vraiment toi (1982)
• Cendrillon (1982)
• Jour contre jour (1983)
• Ex-Robin des bois (1982)
• Le chat (1982)
• Oublie ça (1984)
• Un autre monde (1984)
• New York avec toi (1985)
• Le jour s'est levé (1985)