Starsailor

Starsailor es un grop de ròck anglés format en 2000 a Chorley dins Lancashire (Anglatèrra). Coneguts per mantuns títols classats dins los palmareses britanics (Fever, Good Souls, Alcoholic, Lullaby, Poor Misguided Fool etc), paradoxalament son coneguts en Occitània sonque per un sol títol, un tròç electrò en mai d'aquò, una version adobada en 2004 de lor cançon Four to the Floor (un mesclatge de Thin White Duke a partir del repic de la dicha cançon).

Starsailor es compausat de James Walsh (nascut en 1980) a la guitarra e al cant, de James Stelfox (nascut en 1976) a la bassa, de Ben Byrne (nascut en 1977) a la batariá e de Barry Westhead (nascut en 1977) al piano.