Sicília

(it) Sicilia
Region Autònoma

Sicilia (it) Sicìlia (scn)
(Bandièra)
Administracion
Estat	Itàlia
Capluòc	Palèrme
Províncias	391
Capitala	Palèrme
Politica
• President	Renato Schifani (2022–)
Geografia
Coordenadas	37° 36′ 00″ N, 14° 00′ 55″ E
Superfícia	25 832,39
Altitud mejana	3 340 m
Punt culminant	Ètna (3 357 m)
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	4 802 016 ab. (2019 )
Autras informacions
ISO 3166-2	IT-82
Sit web	regione.sicilia.it

Sicília (forma normativa) (Sicilia en italian e sicilian) es la pus granda illa de la Mar Mediterranèa e tanben una region del sud d'Itàlia (Itàlia insulara).

La capitala es Palèrme. Las vilas mai importantas, en mai de la capitala, son Messina e Catània.

Lo gentilici es sicilian, -a.

La lenga oficiala es l'italian, mas la lenga locala sempre parlada e escrita es lo sicilian. Es la region pus estenduda d'Itàlia e son territòri es constituït de nòu ancianas províncias partejadas en 390 municipalitats.

Geografia

Sicília es una illa d'Itàlia bordada al nòrd per la mar Tirrèna e situada a l'oèst-sud-oèst de la Calàbria meridionala. Al nòrd-èst de l'illa e a una trentena de quilomètres de la còsta, se situan las illas Eolianas, que constituisson un archipèla volcanic. Entre elas, cal citar l'illa d'Estrombòli, coneguda per son volcan, e que se trapa a 61 quilomètres a nòrd de la localitat de Milazzo. Sicília es separada de la península per l'estrech de Messina, larg d'un pauc mai de 3 quilomètres. Es tanben banhada a l'èst per la mar Ioniana. A 86 km a sud-sud-oèst de la localitat de Cava d'Aliga (Consòrci Liure municipal de Raguse) se situa l'illa de Malta.

Sicília venguèt una region autonòma en 1946. Demorèt devesida en províncias entrò la lei del 4 d'agost de 2015, qu'instituïguèt Consòrcis Liures de Comunas que 3 an l'apelacion de Ciutats Metropolitanas.

Divisions de Sicília en 2016