Sharam
Sharam Tayebi (en persan : شهرام طیبی), o mai simplament Sharam, es un discjoquèi e productor iranian de musica house. Nascut lo 12 d'agost de 1970 a Teheran, en Iran, a emigrat a Washington als Estats Units quand aviá 14 ans. De'n primièr foguèt actiu coma sòci del duò Deep Dish, puèi en sòlo coma productor electro e adobaire.
Coma sòci de Deep Dish ambe Ali "Dubfire" Shirazinia, Sharam a publicat dos albums e a adobat o mesclat de nombrosas cançons, per exemple per Janet Jackson, per The Rolling Stones etc.
Lo duò a recebut una nominacion als Grammy Awards americans per lor adobament del tròç Music de Madonna, e a emportat lo Grammy del melhor enregistrament mesclat per lor adobament de Thank You de Dido. Deep Dish es estat nominat dos còps per son album George Is On : coma melhor simple per Say Hello, e coma melhor mesclatge per Flash Dance (adobament realizat per David Guetta).
Coma artista sòlo, Sharam es sustot conegut en Occitània per dos tubes house, Party All the Time en 2006, basat sus un escapolon d'una cançon en anglés enregistrada en 1985 per l'actor american Eddie Murphy, e The One, títol de 2008 enregistrat ambe Daniel Bedingfield.