Scòts (lenga)

Un article de Wikipèdia, l'enciclopèdia liura.
Octicons-comment.svgScòts (lenga)
Classificacion lingüistica

Lengas indoeuropèas
 Lengas germanicas

Estatut oficial
Mòstra
Article primièr de la Declaracion dels Dreches Umans :

Article 1 o' the Declaration o' the Richts o' Man Aw the human beins are born free an' equals in dignity an' richts. They are endowed wi' reason an' conscience an' should act towards the others in a speireit o' breatherhood

Mapa dels dialèctes scots

Lo scòts o Lowland Scots es una lenga germanica derivada de l'anglés mejan parlada dins las bassas tèrras d'Escòcia (Lowland Scotland), en Irlanda del Nòrd e dins los parçans frontalièrs de la Republica d'Irlanda. De pas confondre amb lo gaelic escocés, lenga celtica subreviventa d'Escòcia.

Los parlaires natius en Escòcia e Irlanda utilizan per nomenar sa lenga lo tèrme de "Broad Scots" (braid Scots) o un nom de dialècte coma "Teri", "Doric" o "Buchan Claik". L'ancian tèrme de "Scotch" apareis de còps, mai que mai en Irlanda. Lo tèrme Lallans ("of the Lowlands") es emplegat tanben , mas subretot per designat la lenga literària. Lo Scòts en Irlanda es conegut dins los mitans oficials coma "Scòts d'Ulster" o Ullans.