Saturne empassant un hiu

Saturne empassant un hiu qu'ei un tablèu deu pintre aragonés Francisco Goya. Qu'ei ua de las òbras qui ondravan las parets de l'ostau de Goya la Quinta del Sordo on lo pintre s'acesè a partir de 1819 e qui hore avalit en 1909. Que ho destacada en 1874 entà estar venuda mes fin fnala que ho aquesida peu Musèu deu Prado on b'ei esposada despuish.

Que pertanh a la seria d'òbras coneishuda com la Seria Negra dab ua predileccion entà la representacion de la senectut, la holia, las causas laidas o sinistras.

Que representa lo diu Saturne engolint un deus sons hiu per'mor de crànher la profecia qui anonciè qu'un d'eth (Zèus, lo que fin finala serà pas engolit) li panarà lo tròn.