Satiricon

Un article de Wikipèdia, l'enciclopèdia liura.
Cal melhorar l'escritura d'aquel article.
L’ortografia, la gramatica, lo vocabulari, la sintaxi o autres aspèctes lingüistics incorrèctes son a verificar. Podètz corregir o crear la discussion.
La taulejada en cò Trimalcion, ilustracion per l'edicion francesa de Tailhade, fin del XIXe sègle.

Lo Satiricon (de còps sonnat al plural : Satirica) es un roman antic escrich en latin e atribuit a l'autor roman Petròni. Aquest roman, un dels premièrs de la literatura mondiala, mescla los stiles de langatge, lo latin classic e la lenga vulgària. De mai, es una pintura de la societat romana decadenta del premièr sègle abans J.C.

Lo passatge mai conegut es lo de la taulejada en cò Trimalcion.

Sinòpsi[modificar | Modificar lo còdi]

Lo roman mescla vèrs e pròsa, latin classic e vulgar. Lo títol es d'alhors un derivat dau latin satura que vòu dire «mesclum». En de mai, se nòta clarament lo juec de mot entre «satiri» (aquelei que lo van legir comprendràn perqué) e «satira» (fau pas oblidar que se tracta d'un roman per partida picaresc). Cònta leis aventuras, dins una Roma decadenta, de dos gorrinets, Encòlpi e Ascilt, e tanben dau joine amador d'aqueu d'aquí, Giton. Durant sei viatges, seràn convidats per un ric afranquit, Trimalcion an una ribòta dei bèlas. Lei convidats charran d'elei e de la vida en generau. Lo roman enclause tanben d'autreis aventuras coma un naufragi ò un viatge en Itàlia Meridionala. Lo fieu conductor dau racònte es probable la colèra de Priap, congreiada per Encòlpi après que tuèt una auca, aucèu sacrat dau Dieu.