Sardegna Possibile
Sardegna Possibile es un projècte politic sard qu'aglutina divèrsas entitats e sensibilitats de Sardenha a l'entorn de l'escrivana Michela Murgia e qu'a per tòca primièra de donar mai d'autonomia e de capacitat d'autodeterminacion a l'isla mediterranèa. Aquesta coalicion que compta tres associacions (Gentes, ProgReS e Comunidades) se deu presentar a las eleccions regionalas en Sardenha de 2014 que se faràn lo 16 de febrièr de 2014. L'organizacion, començaira en politica, creèt ja de cambiaments notables dins las practicas politicas del país en emplegar lo catalan dins sos cartèls de propaganda a L'Alguer e lo sard dins lo demai del territòri a mai de l'italian, la lenga tradicionalament dominanta.
Comptava d'intencions de vòts compresas entre 11 e 21 % cap a la mitat de genièr de 2014, çò que la situava en foncion de las previsions mai bassas coma tresena fòrça politica del país, e en primièra posicion segon los resultats mai optimistas.
Una de las autras figuras mai carismaticas del gropament es Gavino Balata, candidat catalanofòn de Sardegna Possibile a la província de Sàsser.