Samsara

Un article de Wikipèdia, l'enciclopèdia liura.


Pintura Tibetana Tradicionala o Tanka mostrant la ròda de vida e los rais del samsara

Lo samsara (संसार tèrme sanscrit significant « ensems de çò que circula », que « transmigracion » ; en tibetan khor ba, o Khorwa འཁོར་བ། ) significa « transicion » mas tanben « transmigracion », « corent de las renaissenças successivas »[1]. Dins lo bodisme, s'agís del cicle de las existéncias condicionadas, es a dire los estats de l'existéncia jos l'empresa de la sofrença, de l'estacament e de l'ignorança. Aqueles estats son condicionats pel karma.

D'un biais mens juste mas mai simple, lo samsara es doncas lo cicle de las vidas, de renaissença en renaissença. Aquel tèrme existís tanben dins l'indoïsme, lo jaïnisme, lo sikhisme.

Lo samsara dins l'indoïsme[modificar | Modificar lo còdi]

Dins l'indoïsme, samsara significa:

  1. còrs comun dels rius aprèp lor confluent ;
  2. movement circulari de la consciéncia divina dins l'espaci e lo temps (segon shrî Aurobindo) ;
  3. ronda de las naissenças e de las mòrts (segon swâmî Râmdâs), reencarnacions successivas (segon swâmî Vivékânanda) ;
  4. la vida dins lo monde de la multiplicitat (segon Râmana Maharshi) ;
  5. lo mond (segon shrî Râmakrishna)[2].

Lo samsara dins lo bodisme[modificar | Modificar lo còdi]

Lo samsara es lo cicle de renaissença e de sofrença que son preses los essèes non despertats. Aquel cicle es sens començament dins lo temps, se perpetua per l'acumulacion del karma coblada a la set d'existéncia, e s'acaba per cada èsser al moment que lo nirvana es capitat. A la diferéncia de las autras filosofias indianas, es pas una "arma" que percors lo samsara, cada èsser essent pas qu'un processus impersonal: aquò est "ni lo meteis, ni un autra" que renais. Alara que le bodisme theravāda opausa samsara e nirvana, le Mahāyāna afirma lor identitat ultima.

Lo samsara pòt tanben èsser interpretat dins un sens moral:

«Lo mòt samsara se referís pas, coma se crei sovent, a un cercle sens fin d’una existéncia fisica aprèp l’autra. Se referís en realitat al cercle viciós de tres elements: lo desir, l’accion que nais d'aquel desir e los efèctes que resultan de l’accion». (Buddhadasa Bhikkhu, Manual per l’Umanitat, 1964)

Cicles[modificar | Modificar lo còdi]

Lo samsara renvei a la determinacion istorica del present, dins lo sens que lo moment actual se forma de consequéncias del passat, subretot dels actes karmics, a començar par la pensada. Aquel modèla implica une succession de cicles enonciant una determinacion complèxa, de fòrça factors cooperant: aquel modèl es aquel de la coproduccion condicionada. Aquel tèrme designa lo cicle infinit de las renaissenças. Los òmes naisson, morisson e renaisson de contunh dins un cicle infinit: lo samsara. Encadenat al samsara, que pòt pas se n'escapar, l'òme soufrís de badas. Es assetat jos l'arbre del despèrtament que Boda se remembra sas vidas anterioras e que pren consciéncia del samsara. L'objectiu del quite bodisme essent l'acabament de la sofrença, la practica deu menar a un estat de cessacion d'aquela sofrença universala, lo nirvana. Es solament quand capitam lo nirvana que podèm nos liberer del samsara. La condidion que renassèm depend de las nòstras vidas passadas e dels nòstres actes presents, amb lo fenomèn del karma.

Monds[modificar | Modificar lo còdi]

Vejatz Loka. Le samsara se compren tanben dins l'encastre de la cosmologia bodica; es tradicionalament descrich coma compausat de tres monds:

Los monds correspondon per l'essencial a d'estats d'existéncia (e doncas a d'estats d'esperits).

Lo samsara dins lo jaïnisme[modificar | Modificar lo còdi]

Dins lo Jaïnisme, lo Samsara es la vida caracterizada per de renaissenças e reencarnacions dins divèrs domenis de l'existéncia. Es descrich coma la banala existéncia, plana de sofrenças e de misèria e, en consequéncia, es considerat coma indesirable e a valor de renonciacion. Lo Samsara es sens començament e l'arma se tròba dins la servitud a son karma dempuèi la nuèch dels temps. Moksha es la sola liberation delu samsara.

Lo samsara dins le sikhisme[modificar | Modificar lo còdi]

Nòtas e referéncias[modificar | Modificar lo còdi]

  1. (en)The Sanskrit Heritage Dictionary de Gérard Huet
  2. (fr)Jean Herbert e Jean Varenne, Vocabulaire de l'hindouisme, Dervy, 1985, p. 89.

Vejatz tanben[modificar | Modificar lo còdi]

Ligams intèrnes[modificar | Modificar lo còdi]