Roméo Elvis
Roméo Johnny Elvis Kiki Van Laeken, dich Roméo Elvis, nascut en Belgica lo 13 de decembre de 1992 a Uccle (còsta Brussèlas), es un rapaire francofòn.
Après la sortida de dos mini-albums, respectivament en 2013 e 2014, "Bruxelles c'est devenu la jungle" e "Famille nombreuse", publica en 2016 lo mini-album "Morale", en collaboracion ambe lo productor Le Motel, que lança sa carrièra, seguit de son album "Morale 2" en 2017 que li permet de se far conéisser. Son segond album, e primièr vertadièr album en sòlo, "Chocolat", es sortit lo 12 d'abril de 2019.
Roméo Elvis es l'un dels menaires del rap bèlga dempuèi las annadas 2010, ambe Hamza, Shay, Damso e Caballero. Es lo filh del cantaire bèlga Marka, e donc lo fraire de la cantaira Angèle. Es en coble dempuèi 2015 ambe la modèla Lena Simonne. Li a escrich las cançons Lénita e Soleil. Se son maridats en Occitània, dins lo Peirigòrd lo 23 d'agost de 2021.[1]
En 2017, participa al títol "Hit sale" de grop francés Therapie TAXI, la cançon mai coneguda d'aquel grop.
Discografia
[modificar | Modificar lo còdi]- 2017 : Morale 2 (ambe Le Motel)
- 2019 : Chocolat
- 2022 : Tout Peut Arriver