Rogièr II Trencavèl

Un article de Wikipèdia, l'enciclopèdia liura.
Salta a la navegació Salta a la cerca

Rogièr II Trencavèl (°1149 † 1194) foguèt un vescomte de Besièrs, de Carcassona e d’Albi de 1167 a 1194. Èra lo filh de Ramon I Trencavèl, vescomte de Besièrs, d’Albi e de Carcassona, e de Saure.

Biografia[modificar | modificar la font]

En 1167, succediguèt al seu paire, assassinat pels borgeses de Besièrs. Aqueles per paur de la colèra del nòu vescomte, dobriguèron las pòrtes de la vila a la tropas d'Anfós II, rei d'Aragon. Amb l'ajuda del comte Ramon V de Tolosa, Rogièr prenguèt la vila e massacrèt la populacion mascle de la vila.

Mas Rogièr venguèt alara vassal del rei d'Aragon per Carcassona e lo Rasés, e del comte de Tolosa per Besièrs e Albi. Concluguèt una alliança amb lo comte de Tolosa en esposant sa filha Adelaïda e en maridant la seuna sòrre amb Ramon, eretièr de Tolosa.

Dins los ans qui seguèron, lo catarisme progressèt en Occitania. Vigorosament combatut pel comte de Tolosa, foguèt tolerat per Rogièr e Adelaïda. Ramon V demandèt l'ajuda d'Enric de Marsiac, abat de Claravals e assetgèron La Vaur, que constituiguèt la dòt d'Adelaïda, en 1181. La vila foguèt presa, de catars qu'i vivián deguèron abjurar, e Ramon conservèt la vila. Aquò empachèt pas Rogièr e Adelaïda de tolerar los catars a lor corts, quitament Rogièr nomenèt a la seuna mòrt, un catar conegut, Bertrand de Saissac, coma tutor del seu filh e coma regent de las vescomtats.

Maridatge e enfants[modificar | modificar la font]

Esposèt en 1171 Adelaïda de Tolosa, filha de Ramon V, comte de Tolosa, e de Constança de França, que donèt naissança a:

  • Ramon Rogièr († 1209), vescomte d’Albi, de Besièrs e de Carcassona
Precedit per Rogièr II Trencavèl Seguit per
Ramon Ièr Trencavel
ArmoiriesTrencavel.svg vescomte de Besièrs, de Carcassona e d’Albi ArmoiriesTrencavel.svg
1167-1194
Ramon Rogièr Trencavel

Annèxas[modificar | modificar la font]

Bibliografia[modificar | modificar la font]

  • (fr)Jean-Luc Déjean, Les comtes de Toulouse (1050-1250), p. 227
  • (de)Detlev Schwennicke, Europäische Stammtafeln, vol. III, 1983, p. 145

Nòtas e referéncias[modificar | modificar la font]


Articles connèxes[modificar | modificar la font]