Ramon I Trencavèl

Ramon I Trencavèl

Biografia
Naissença	segle de 12
Mòrt	15 d'octobre de 1167 Besièrs
Donadas personalas
Nacionalitat	Francesa

Raimond I^èr Trencavèl, assassinat a Besièrs lo 15 d'octobre de 1167, foguèt vescomte de Besièrs de 1129 a 1167, d’Agde de 1129 a 1150, de Carcassona e d’Albi de 1150 a 1167. Èra lo filh de Bernart Aton IV Trencavèl, vescomte d’Agde, d’Albi, de Besièrs, de Carcassona e de Nimes, e de Ceselha de Provença.

Biografia

A la mòrt de son paire, partegèt las vescomtats d'aquel amb lo seus fraires e recebèt Besièrs e Agde. Foguèt un adversari resolut d’Anfós Jordan, comte de Tolosa, e participèt en 1143 a la coalicion de senhors occitans visant a lo caçar de Narbona. En 1150, son fraire ainat Rogièr moriguèt e eretèt de Carcassona, d’Albi e del Rasés, e daissèt Agde al seu fraire capdet Bernart Aton V.

Menèt d'expedicions contra la comtat de Tolosa, mas foguèt capturat lo 10 d'octobre de 1153. Foguèt desliurat contre un rescat de tres mila marcs d’argent. En 1162, lo comte Ramon Berenguièr IV de Barcelona moriguèt e lo seu filh Anfós II, rei d’Aragon, revendiquèt la vila de Carcassona, aquò obliguèt Ramon Trencavèl de se ligar amb lo comte Ramon V de Tolosa e à signar un tractat d’aliança.

Al mes d’agost de 1167 ajudèt son nebot Bernart Aton VI, vescomte de Nimes, menaçat pel rei d’Aragon. Al moment de partir, un incident se passèt entre un dels seus soldats e un borgés de Besièrs. Ramon, jos la pression de la seuna armada que menacèt de desertar, puniguèt lo borgés. Al seu retorn, lo vescomte foguèt assassinat lo 15 d'octobre de 1167 pels borgés de la vila, quand èra dins la glèisa de la Magdalena.

Maridatge e enfants

Esposèt d’en primièr una Adelaïda, que se sap sonque lo prenom, que donèt naissença a tres filhas:

• Ceselha, maridada en 1151 a Rogièr Bernat I († 1188), comte de Fois ;
• Beatritz, maridada en 1175 a Ramon VI, comte de Tolosa, e repudiada en 1193;
• Adelaïda, maridada a Sicar de Lautrec.

Veus, se maridèt amb una Saura, e es lo paire de:

• Rogièr II († 1194), vescomte de Besièrs
• Ramon, mòrt jove

Precedit per	Ramon I Trencavèl	Seguit per
Bernat Aton IV	vescomte d'Agde 1129-1150	Bernat Aton V
Rogièr I Trencavèl	vescomte de Besièrs 1129-1167	Ramon II Trencavèl
Bernat Aton IV	vescomte de Carassona e d'Albi 1150-1167	Ramon II Trencavèl

Annèxes

Bibliografia

• (fr)Jean-Luc Déjean, Les comtes de Toulouse (1050-1250), p. 146,149 et 226-7
• (de)Detlev Schwennicke, Europäische Stammtafeln, vol. III, 1983, p. 145

Articles connèxes

• Ostal de Trencavèl