Rodocrosita

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'un tròç de rodocrosita.

La rodocrosita es un minerau de color ròsa que vèn negre ambé l'alteracion dau minerau. A una duretat de 4,0 e una densitat de 3,7. Es formada de carbonat de manganès (simbòl quimic : MnCO3) cristallizat segon un sistèma trigonau de classa ditrigonala escalenoedrica. Lei cristaus naturaus son rars, escalenoedrics ò romboedrics, e aqueu minerau forma generalament de massas granulàrias, fibrosas ò espaticas. Son esclat es veirenc.

La rodocrosita se troba dins lei venas idrotermalas de temperatura bassa e coma minerau de ganga dins certanei jaciments d'argent, de coire, de plomb e de zinc. Es sovent associada ambé lo qüars, la calcita e divèrsei mineraus metallifèrs. Es utilizada per l'extraccion de manganès, dins la metallurgia d'acièrs especiaus e dins la fabricacion de joièus.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]