Ricchi e Poveri
Ricchi e Poveri (prononciat : [ˈrikki e pˈpɔːveri], Los Rics e los Paures) es un grop musical italian fondat en 1967 a Gènoa (Itàlia), compausat de quatre sòcis, dos òmes e doas femnas, Franco Gatti, lo Sarde Angelo Sotgiu, Angela Brambati e Marina Occhiena.
An vendut mai o mens 20 milions de disques dins las annadas 1970 e 1980.
An representat Itàlia al Concors Eurovision en 1978 amb la cançon Questo Amore. An tanben emportat la victòria al Festenal de Sant Rémol en 1985 amb lo títol Se m'innamoro, mas en Occitània, son mai que mai coneguts per quatre autres títols, Che sarà en 1971 (représ en francés per Mike Brant jol títol Qui saura), Sarà perché ti amo en 1981 (représ en francés per Karen Cheryl jol títol Les Nouveaux Romantiques), Made in Italy en 1982 (un còp mai pr'amor de la represa en francés per Karen Cheryl, jol títol Oh ! Chéri chéri...), e Voulez-vous danser en 1984.