Rhomaleosaurus

Un article de Wikipèdia, l'enciclopèdia liura.
Salta a la navegació Salta a la cerca
Rhomaleosaurus siguec un plesiosaure superpredator que demorèc pendent hè 185 e 160 milions d'annades. Hèia enquia 7 m de longada.

Rhomaleosaurus ei un genre de reptil marin escantit e apartenhent as plesiosaures. Demorèc pendent eth jurassic inferior e eth jurassic miei ( hè demest 185-160 milions d'ans). Es sues despulhes sigueren trapades en Anglatèrra e Alemanha.

Descripcion[modificar | modificar la font]

Aguest animal siguec un des prumèrs pliosaures e hèia enquia 7 m. Eth cos ère plan robust, damb quate aletes. Eth còth tanben ère robust e auia un cap long e semblant ath d'un crocodil, damb granes dents plaçades ena part final dera maishèra e deth cran. Eth nas ère long e es uelhs tanben èren plan grani.

Classament[modificar | modificar la font]

Rhomaleosaurus ei un des prumèrs pliosaurids gegants, es superpredators deres mars deth jurassic e deth cretacèu. Es caracteristiques primitiues deth cran li dauen ua forma anciana, coma era de Macroplata, mès se sap de segur que ja ère un animal especializat.

Pendent 30 milions d'annades, es Rhomaleosaurus sigueren es mès grani predators des oceans enquia que i aueren pliosauris mès grani coma Liopleurodon o Pliosaurus. Eth genre Rhomaleosaurus siguec classat en 1874 per Harry Govier Seeley mès eth fossil olotipe ja auia sigut descrit en Yorkshire e classat coma apertenhent ath genre de Plesiosaurus. Aué aguesta espècie ei coneguda coma Rhomaleosaurus zetlandicus.

Un aute especièn siguec descurbert en Alemanha, enes plaques de Holzmaden. Siguec classat, de prumèr, sus eth genre de Thaumatosaurus, mès dempús siguec classat coma Rhomaleosaurus. Aguest fossil siguec destruit per bombardaments dera Dusaua Guerra Mondial. Totun, que i a encara ua copia perfecta en eth Museu de Stocccarda. Rhomaleosaurus victor ère mès petit qu'era auta espècie (hèia pauc mès de 3 m de longada) e auia un ran mès petit, un còth mès long e ues dents mès granes. Estudis hèts hè pauc díden qu'a un genre pròpi, Meyerasaurus, damb quauques diferències importantes amb es autes espècies de Rhomaleosaurus.

Era espècie Rhomaleosaurus cramptoni a un fossil sancer qu'es conserva en eth Museu d'Istòria Natural de Londres e que prumèr es pensava qu'ère de Rhomaleosaurus zetlandicus. Ua auta espècie, Rhomaleosaurus megacephalus a sigut trapada en Anglatèrra e a un cran mès petit qu'eth de Rhomaleosaurus setlandicus. Era espècie Rhomaleosaurus propinqus, totun, poderie aparténher a un aute genre de pliosaure per quauques diferències ena maishèra.

Vida[modificar | modificar la font]

Era estructura dera esquelata conferma qu'aguest romaleosaure ère un predator actiu que probaubaments caçava peishi grani gahant-los damb es sues poderoses maishères e desamembrant-los mercès as sues dents força talhants. Coma plan d'animals marins non auia timpan e tà caçar utilizaba mès ben es uelhs qu'èren plan grani. S'a conservat enquia er anèth sclerotic que protegia er uelh e permetie ar animal de vèder melhor. Un estudi hèt per Taylor en 1992 conferma que podie nedar damb era boca duberta; açò deishava dintrar era aigua a trauers d'un canal on èren es organs dera aulor e dempús gessie peth nas. Açpo que'l permetie aulurar desus era igua, coma es làmies.

Bibliografia[modificar | modificar la font]

· Carte, A & Baily, W H. 1863. Description of a new species of Plesiosaurus, from the Lias, near Whitby, Yorkshire. - Jour. Roy. Dublin Soc. 4:160-70.

· Cruickshank A R I, Small P G, and Taylor M A. 1991. Dorsal nostrils and hydrodynamically driven underwater olfaction in plesiosaurs. Nature 352:62-64.

· Taylor M A. 1992. Functional anatomy of the head of the large aquatic predator Rhomaleosaurus zetlandicus (Plesiosauria, Reptilia) from the Toarcian (Lower Jurassic) of Yorkshire, England. Phil. Trans. Roy. Soc. London 335:247-80.

· Adam S. Smith and Peggy Vincent (2010). "A new genus of pliosaur (Reptilia: Sauropterygia) from the Lower Jurassic of Holzmaden, Germany". Palaeontology 53 (5): 1049–1063. doi:10.1111/j.1475-4983.2010.00975.x