Vejatz lo contengut

Pliosaurus

Un article de Wikipèdia, l'enciclopèdia liura.
Pliosaurus a sigut un reptil marin escantit qu'a dat nom a tota era familha d'un tipe de plesiosaures; es pliosaurids. Demorèc hè 150 milons d'annades.

Pliosaurus ei un genre de gran reptil marin escantit, apartenhent ara familha des plesiosaures. demorèc pendent eth jurassic inferior ( hè 150 milions d'annades). Es despulhes fossils sigueren trapades en Anglatèrra. Eth nom deth genre tanben ei eth nom des pliosaures, dera familha des Pliosauroidea.

Descripcion[modificar | Modificar lo còdi]

Pliosaurus avia un gran cap damb dents plan ponchudes. Ère, de segur, un des mès grans predators marins dera sua epòca. Es dents son particolarments robustes e jos era part anterior dera maishèra semblen canins longui utilizats tà dintrar ena carn dera victima e tuar-la. Es dents posteriors èren utilizats tà méter era victima entàra gola. Pliosaurus hèia d'aperaquí 9 m e podria èster que minjasse es sues victimes sanceres sens nhacar-les. Eth cap e eth còth èren ua ajuda en aguesta operacion.

Diuersi fossils hèn pensar qu'ère un predator oportunista que minjava cefalopodes, peishi e d'autes reptils. Es grans uelhs e es aurelhes aislades suggereishen qu'utilizava basicaments era vista en er alendament e pr'açò se pensa qu'avien ua foncion olfativa jos er aigua.

Classament[modificar | Modificar lo còdi]

Pliosaurus da eth nom as pliosaures, un sosgrop de plesiosaures qu'avien un cap plan gran e un còth cuert e en açò qu'ère disparièr d'autes plesiosaures. Pliosaurus a deishat plan de fossils en Anglatèrra en estrats de hè 150 milions d'ans de tres espècies: Pliosaurus brachydeirus, Pliosaurus portentificus e Pliosaurus macromerus, aguesta darrèra espècia qu'ei un genre propi : Stretosaurus. Pliosaurus ère semblant a Liopleurodon, que demorèc quauqui milions d'ans avans.

Predator X[modificar | Modificar lo còdi]

Predator X ei un especimèn de pliosaure que demorèc hè 147 milons d'ans, pendent er inici deth cretacèu. De prumèr que hèia 15 m, ua boca de 3 m, dents de 30 cm e pesava 45 tones. Er especimèn siguec trapat en er Artic, enes Isles Svalbard. Ère ua esqueleta pas sancera damb sonque troçi deth cran, vertèbres deth còth e dera esquia. Siguec descurbert en 2006 pendent ua expedicion hèta demest 2004 e 2001 e tanben sigueren trapats fossils dera dusaua espècia. Era descripcion siguec hèta en 2012 e publicada en eth Norwegian Journal of Geology (num.32).

Ua analisi posterior confermèc qu'ère un Pliosaurus funkei e tot e qu'ère plan gran, non ac ère pas tant : hèia sonque 11 m de longada , damb un cran de 3 m e pesava dètz tones (1). Es estrats on siguec trapat tanben avien diversi vertebrats marins deth mesozoic: dus plesiosaures mès mès petits damb còth long e dus itiosaures. Açò hèc revisar eth genre Pliosaurus e melhorar es relacions filogenetiques demest es pliosaures deth jurassic e es deth cretacèu.

Referències[modificar | Modificar lo còdi]

1.- Brian Switek, Paleontologists Reveal the Identity of ‘Predator X’ in Wired, 15 ottobre 2012. URL consultato il 9 febbraio 2014.