Rhamnus alaternus
.jpg)
Rhamnus alaternus : flors
| Règne | Plantae |
|---|---|
| Division | Magnoliophyta |
| Classa | Magnoliopsida |
| Òrdre | Rhamnales |
| Familha | Rhamnaceae |
| Genre | Rhamnus |
| Òrdre | Rosales |
|---|---|
| Familha | Rhamnaceae |
L'Aladèrn (Rhamnus alaternus L.) es un arbrilhon del genre Rhamnus e de la familha de las Rhamnacèas, caracteristica de las garrigas mediterranèas.
Descripcion
[modificar | Modificar lo còdi]L'aladèrn es un arbrilhon de 1 a 5 mètres de naut, de fulham persistent[1]. Es capable de viure un centenat d'annadas. Es un arbre dioïc.
Ten de rams altèrnes, non espinoses (a la diferéncia de Rhamnus cathartica). Las fuèlhas son altèrnas, coriçcias, persistentas, lusentas, sovent dentadas. Son ovalas o lanceoladas, a bòrd cartilaginós.
Sas minusculas flors jaunencas, unisexuadas, apareissent als meses de març e abril, a vegada avant. Son gropadas en pichon grapas lateralas. Lo calici ten 5 lòbes rebatuts dins las flors masclas, e quilhadas dins las flors femes. A pas de petals.
Los fruchs son de drupas d'en primièr rojas, puèi negras quand maduras, amb 2 o 3 selhons.
Lo Rhamnus alaternus 'argenteovariegata' es un cultivar ornemental variat eissit de Rhamnus alaternus.
Se destria doas sosespècias:
- Rhamnus alaternus L. subsp. alaternus
- Rhamnus alaternus L. subsp. myrtifolia (Willk.) Maire
Distribucion
[modificar | Modificar lo còdi]L'aladèrn es una planta eliofila que en França, Portugal, Espanha, ex-Iogoslavia, Albania, Grècia, Itàlia, Turquia, Israèl, Libia, Tunisia, Argeria, Marròc e Ucraïna. A çò nòstre, es comun a l'entorn mediterranèu, puja fins en Isèra cap al nòrd e l'Òlt e la Dordonha cap a l'oèst. S'encontra pels èrms, sègas, talvèras, garrigas. Es naturalizat en Austràlia e Nòva Zelàndia. Es utilizat dins los programas de reforestacion[2].
-
Flors -
Rhamnus alaternus 'argenteovariegata'
Ligams extèrnes
[modificar | Modificar lo còdi]- Referéncias GRIN : espèce Rhamnus alaternus L. (en)Referéncia GRIN : espècia Rhamnus alaternus L. (en)
- Referéncias Tela Botanica (France métro) : Rhamnus alaternus (fr)Referéncia Tela Botanica (França metropolitana) : Rhamnus alaternus (fr)
- Referéncias INPN : Rhamnus alaternus (+ statut + description) (fr)Referéncia INPN : Rhamnus alaternus (+ estatut + descripcion) (fr)
Referéncias
[modificar | Modificar lo còdi]- ↑ Modèl:Fff3
- ↑ Gulias, « Critical Stages in the Recruitment Process of Rhamnus Alaternus L. », Annals of Botany, vol. 93, no 6, , p. 723-731 (ISSN 0305-7364 e 1095-8290, DOI 10.1093/aob/mch100, legir en linha)