RAH Band

Richard Anthony Hewson, nascut lo 17 de novembre de 1943 a Stockton-on-Tees (Anglatèrra), es un musician britanic.

Richard Hewson comencèt sa carrièra a la fin de las annadas 1960 coma adobaire e productor de musica. Trabalhèt pre exemple ambe Los Beatles (I Me Mine e The Long and Winding Road), Los Bee Gees (Melody), James Taylor (Carolina in My Mind), Herbie Hancock, Supertramp, Diana Ross, Chris de Burgh, Fleetwood Mac e Chris Rea. Adobèt tanben la partida orquestrala sus mantuns albums de Cliff Richard : I'm Nearly Famous (1976), Every Face Tells a Story (1977) e Green Light (1978). Richard Hewson trabalhèt tanben pel grop anglés Jigsaw, inclusent los adobaments de lor succès Sky High.

En 1977, comencèt de publicar jol nom de RAH Band, es a díser « lo grop de Richard Anthony Hewson », quitament se, en realitat, èra un projècte en sòlo. Lo dich RAH Band aguèt un succès internacional en 1985 ambe lo títol synthpop Clouds Across the Moon. Al cant sus aqueste tròç : Liz Hewson, sa pròpia femna.

Al Reialme Unit, RAH Band es tanben conegut pel tèma The Crunch, publicat de caps 1977.